បងប្អូនអតីតអ្នកប្រដាល់ អ៊ុយក្រែន ត្រកូល Klitschko បង្ហាញចំនួនទាហាន រុស្ស៊ី ដែលពួកគេសម្លាប់ផ្ទាល់ដៃ

វីរបុរសអ៊ុយក្រែនទាំងពីរនាក់បងប្អូនគឺ Wladimir Klitschko និង Vitali Klitschko បានបង្ហាញពីចំនួនទាហានរុស្ស៊ីដែលត្រូវបានសម្លាប់ដោយដៃរបស់ពួកគេ ចាប់តាំងពីការចាប់ផ្តើមនៃសង្រ្គាមកាលពីសប្តាហ៍មុន ។

លោក Vitali Klitschko បានបង្ហាញឲ្យដឹងថា បងប្អូនទាំងពីរនាក់បានសម្លាប់ទាហានរុស្ស៊ីប្រហែល ៦ នាក់រួចមកហើយ ចាប់តាំងពីពួកគេបានចូលរួមជាមួយយោធាអ៊ុយក្រែន បន្ទាប់ពីការលុកលុយរបស់រុស្ស៊ីកាល​ពី​ថ្ងៃ​ទី ២៤ ខែ​កុម្ភៈ ។

ថ្លែងទៅកាន់ Sky News លោក Vitali Klitschko ដែលជាអភិបាលក្រុងកៀវបានបញ្ជាក់ថា គាត់ និងបងប្រុសរបស់គាត់បានសម្លាប់មនុស្សមួយចំនួន ខ្ញុំគិតថា មនុស្សទាំងនោះប្រមាណ ៦ នាក់” ។

ចំណែកលោក Wladimir Klitschko បានសារភាពថា “លោកដឹងខ្លួនឯងរួចហើយ ហើយលោកក៏ត្រៀមខ្លួនស្លាប់ដើម្បីការពារប្រទេសរបស់លោកផងដែរ ។ យើងមិនចាប់អារម្មណ៍ថា កងទ័ពរុស្ស៊ីខ្លាំងប៉ុណ្ណានោះទេ រឿងតែម្យ៉ាងនោះគឺ យើងត្រៀមខ្លួនដើម្បីប្រយុទ្ធ” ។

ទន្ទឹមនោះ បងប្អូនត្រកូល Klitschko បាននិយាយដោយបើកចំហអំពីការប្តេជ្ញាចិត្តក្នុងការការពារជាតិរបស់ពួកគេប្រឆាំងនឹងកងកម្លាំងរុស្ស៊ីថា “​យើង​បាន​ត្រៀម​ខ្លួន​រួច​រាល់​ចំពោះការស្លាប់​ដើម្បី​ប្រទេស​កំណើត​របស់​យើង និង​សម្រាប់​ក្រុម​គ្រួសារ​របស់​យើង ព្រោះ​វា​ជា​ផ្ទះ​របស់​យើង“ ។

កាលពីដើមសប្តាហ៍នេះ លោក Wladimir Klitschko បានលេចមុខនៅក្នុងសារជាវីដេអូមួយដោយអំពាវនាវឲ្យសហគមន៍អន្តរជាតិប្រកាន់ជំហរ និងបញ្ឈប់សកម្មភាពលុកលុយលើអ៊ុយក្រែន ។

បុរសវ័យ ៤៥ ឆ្នាំរូបនេះបានអង្វរថា “ខ្ញុំកំពុងអំពាវនាវដល់ដៃគូអន្តរជាតិទាំងអស់ឲ្យសង្កេតមើលសោកនាដកម្មដែលកំពុងកើតឡើងនាពេលបច្ចុប្បន្ននេះក្នុងប្រទេសអ៊ុយក្រែន និងសង្គ្រាមដែលមិនចេះចប់មិនចេះហើយដែលមិនមានអ្នកឈ្នះ ឬចាញ់ឡើយ” ៕

ប្រែសម្រួលដោយ ៖ ជីវ័ន្ត

ប្រភព ៖ Daily Star

ចុចអាន ៖ រុស្ស៊ី ពន្យល់អត្ថន័យអក្សរលើឧបករណ៍យោធាប្រើក្នុងប្រតិបត្តិការវាយលុក អ៊ុយក្រែន