សារព័ត៌មានល្បីៗរបស់ អាមេរិក ចំនួន ២ បញ្ឈប់ការផ្សាយនៅ រុស្ស៊ី

ទូរទស្សន៍ CNN បានបញ្ឈប់ការផ្សាយនៅក្នុងប្រទេសរុស្ស៊ី បន្ទាប់ពីលោក វ្ល៉ាឌីមៀ ពូទីន បានចុះហត្ថលេខាលើក្រឹត្យមួយដែលត្រូវបានគេមើលឃើញថា មនុស្សអាចត្រូវជាប់គុករហូតដល់ ១៥ ឆ្នាំ ប្រសិនបើពួកគេផ្សព្វផ្សាយព័ត៌មាន “ក្លែងក្លាយ” អំពីកងកម្លាំងប្រដាប់អាវុធរបស់រុស្ស៊ី ។

អ្នកនាំពាក្យ CNN បាននិយាយថា “CNN នឹងបញ្ឈប់ការផ្សាយនៅក្នុងប្រទេសរុស្ស៊ី ខណៈពេលដែលយើងបន្តវាយតម្លៃស្ថានភាព និងជំហានបន្ទាប់របស់យើងឆ្ពោះទៅមុខ” ។

ទន្ទឹមនោះ សារព័ត៌មាន Bloomberg បាននិយាយថា ពួកគេក៏នឹងធ្វើតាមទូរទស្សន៍ CNN ដែរ ។

លោក John Micklethwait និពន្ធនាយករបស់ Bloomberg បាននិយាយកាលពីថ្ងៃសុក្រថា “យើងមានការសោកស្តាយយ៉ាងខ្លាំងដែលបានសម្រេចចិត្តផ្អាកការប្រមូលផ្តុំព័ត៌មានរបស់យើងជាបណ្តោះអាសន្ននៅក្នុងប្រទេសរុស្ស៊ី” ៕

ប្រែសម្រួលដោយ ៖ ជីវ័ន្ត

ប្រភព ៖ Sky

ចុចអាន ៖ បងប្អូនអតីតអ្នកប្រដាល់ អ៊ុយក្រែន ត្រកូល Klitschko បង្ហាញចំនួនទាហាន រុស្ស៊ី ដែលពួកគេសម្លាប់ផ្ទាល់ដៃ