លោក ពូទីន ជួបនារីបម្រើការលើយន្តហោះ២០នាក់ ខណៈសង្គ្រាមកំពុងផ្ទុះ

ស្របពេលដែលសង្រ្គាមកំពុងផ្ទុះឡើងនៅប្រទេសអ៊ុយក្រែន ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានជួបជាមួយបុគ្គលិកមកពីក្រុមហ៊ុនអាកាសចរណ៍រដ្ឋ Aeroflot។

នៅក្នុងជំនួបដែលផ្សាយតាមទូរទស្សន៍រដ្ឋ លោក ពូទីន បាននិយាយថា ប្រទេសរុស្ស៊ីនឹងចាត់ទុកថា ប្រទេសណាដែលដាក់តំបន់គ្មានការហោះហើរលើអ៊ុយក្រែន ប្រទេសនោះគឺបានប្រព្រឹត្តទង្វើសង្រ្គាម។

អង្គុយជុំវិញតុដែលមានស្ត្រីប្រហែល២០នាក់ រូបភាពនេះគឺខុសពីរូបថតថ្មីៗរបស់លោក ពូទីន ដែលអង្គុយប្រជុំនៅតុវែងមួយ មានគម្លាតច្រើនម៉ែត្រពីមេទ័ពជិតស្និទ្ធបំផុតរបស់គាត់។

ជំនួបនេះបានកើតឡើង ចំពេលដែលក្រុមហ៊ុនអាកាសចរណ៍ Aeroflot និយាយថា ខ្លួនបានលុបចោលជើងហោះហើរអន្តរជាតិទាំងអស់ លើកលែងតែទៅ និងមកពីប្រទេសបេឡារុស ប៉ុណ្ណោះ។

គួរបញ្ជាក់ថា ក្រុមហ៊ុនអាកាសចរណ៍រុស្ស៊ីត្រូវបានហាមឃាត់ពីដែនអាកាសរបស់ចក្រភពអង់គ្លេស សហភាពអឺរ៉ុប និងសហរដ្ឋអាមេរិក ដែលជាផ្នែកមួយនៃការដាក់ទណ្ឌកម្មដោយសារការវាយលុកប្រទេសអ៊ុយក្រែន៕

ប្រែសម្រួល៖ Vann Vann

ប្រភព៖​ BBC

ចុចអាន៖ បទឈប់បាញ់ចាប់ផ្តើមមិនដល់៣០នាទីផង ស្រាប់តែរុស្ស៊ីបាញ់សន្ធាប់ ហើយមានការផ្ទុះអគារ កប់មនុស្ស២០០នាក់ទៀត