ព័ត៌មានអន្ដរជាតិ

អាមេរិក«បើកភ្លើងខៀវ»ឲ្យណាតូផ្គត់ផ្គង់យន្តហោះចម្បាំងទៅអ៊ុយក្រែន

បានផុស

៣ years មុន

នៅ

ថ្ងៃចន្ទ ៧ មីនា ២០២២

ដោយ

រដ្ឋមន្ត្រីក្រសួងការបរទេសអាមេរិក លោក Tony Blinken បានប្រាប់សារព័ត៌មាន CBS News កាលពីថ្ងៃអាទិត្យថា រដ្ឋាភិបាលក្រុងវ៉ាស៊ីនតោនបានបើកភ្លើងខៀវដល់ប្រទេសជាសមាជិកអង្គការណាតូដើម្បីផ្គត់ផ្គង់យន្តហោះចម្បាំងទៅប្រទេសអ៊ុយក្រែន និងថា អាមេរិកនឹងធ្វើការជំនួសយន្តហោះចម្បាំងណាមួយដែលបានបញ្ជូនទៅទីក្រុងកៀវ។

លោក Blinken បាននិយាយ បន្ទាប់ពីប្រធានាធិបតីអ៊ុយក្រែន លោក Volodymyr Zelensky បានជំរុញឲ្យសមាជិកសភាអាមេរិកធ្វើអន្តរាគមន៍ក្នុងសង្គ្រាមកំពុងបន្តជាមួយរុស្ស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលសួរថាតើពេលណាទើបសមាជិកណាតូអាចចាប់ផ្តើមបញ្ជូនយន្តហោះចម្បាំងទៅអ៊ុយក្រែន លោក Blinken បានឆ្លើយថា ៖«រឿងនោះទទួលបានភ្លើងខៀវហើយ»។ បន្ទាប់មកមន្ត្រីទូតកំពូលរបស់អាមេរិកនេះបាននិយាយថា ទីក្រុងវ៉ាស៊ីនតោនបានធ្វើការងាររួចហើយជាមួយមន្ត្រីប៉ូឡូញដើម្បីបំពេញយន្តហោះចម្បាំងណាមួយដែលពួកគេបានបញ្ជូនទៅអ៊ុយក្រែន។ ចំណុចនេះមានន័យថា អាមេរិកនឹងជំនួសរាល់យន្តហោះចម្បាំងប៉ូឡូញទាំងអស់ដែលត្រូវបានបញ្ជូនទៅទីក្រុងកៀវដោយយន្តហោះអាមេរិក។

ការគាំទ្របញ្ជូនយន្តហោះចម្បាំងទៅអ៊ុយក្រែនដើម្បីកាន់កាប់មូលដ្ឋានកណ្តាលរបស់សហរដ្ឋអាមេរិករវាងការធ្វើអន្តរាគមន៍សកម្មនៅអ៊ុយក្រែន និងជាការសងសឹកសេដ្ឋកិច្ចសុទ្ធសាធប្រឆាំងនឹងទីក្រុងមូស្គូ។

រដ្ឋាភិបាលទីក្រុងកៀវគ្មានបំណងលាក់បាំងចំពោះការធ្វើអន្តរាគមន៍ផ្នែកយោធារបស់អាមេរិកឡើយ ដោយលោកប្រធានាធិបតី Zelensky ជំរុញឲ្យសមាជិកសភាអាមេរិកកាលពីថ្ងៃសៅរ៍ដើម្បីអនុវត្ត«តំបន់គ្មានការហោះហើរ»លើប្រទេសអ៊ុយក្រែន។ ចំណាត់ការបែបនេះអាចមើលឃើញអាមេរិក និងសម្ព័ន្ធមិត្តណាតូមានឆន្ទៈក្នុងការបាញ់ទម្លាក់យន្តហោះចម្បាំងរុស្ស៊ី ជាអ្វីម្យ៉ាងដែលទីក្រុងមូស្គូបាននិយាយយ៉ាងច្បាស់ថា ខ្លួនយល់ថាជាទង្វើនៃសង្គ្រាម។

អាមេរិក និងណាតូបានសម្រេចតំបន់គ្មានការហោះហើរ ហើយបានអះអាងម្តងហើយម្តងទៀតថា ពួកគេនឹងមិនបញ្ជូនកម្លាំងទ័ពទៅអ៊ុយក្រែនទេ។ ទោះបីជាយ៉ាងណា ការបញ្ជូនយន្តហោះចម្បាំងទៅអ៊ុយក្រែនគឺមិនមែនបង្ហាញពីរឿងធម្មតា។

សហភាពអឺរ៉ុបបានសន្យាផ្តល់យន្តហោះចម្បាំងទៅអ៊ុយក្រែនកាលពីចុងខែមុន ប៉ុន្តែបានជួបនឹងឧបសគ្គសំខាន់ពីរ។ ទីមួយការស្វែងរថយន្តហោះដែលអ្នកបើកជនជាតិអ៊ុយក្រែនអាចបើកហោះហើរបាន និងទីពីរស្វែងរកប្រទេសដែលមានឆន្ទៈដឹកជញ្ជូនយន្តហោះចម្បាំងទាំងនោះពីព្រលានយន្តហោះរបស់ពួកគេ៕

ប្រែសម្រួល៖ វីរបុត្រ
ប្រភព៖ RT

Related Topics:សហរដ្ឋអាមេរិក