អាមេរិក៖ តំបន់គ្មានការហោះហើរ អាចបង្កឲ្យមាន សង្គ្រាមលោកលើកទី៣

នៅក្នុងកម្មវិធីជជែកថ្ងៃអាទិត្យ អ្នកនយោបាយអាមេរិក បានពិភាក្សាគ្នាអំពីគំនិតពាក់ព័ន្ធតំបន់គ្មានការហោះហើរ ដូចដែលបានជំរុញដោយលោកប្រធានាធិបតី Zelensky និងប្រជាជនអ៊ុយក្រែនលេចធ្លោផ្សេងទៀត។

ព្រឹទ្ធសមាជិក Marco Rubio ដែលជាសមាជិកគណបក្សសាធារណរដ្ឋមានឋានៈខ្ពស់បំផុត នៅគណៈកម្មាធិការចារកម្មព្រឹទ្ធសភា បាននិយាយប្រាប់ CNN កាលពីថ្ងៃអាទិត្យទី០៦ខែមីនាថា តំបន់គ្មានការហោះហើរមានន័យថា “ជាការចាប់ផ្តើមសង្គ្រាមលោកលើកទីបី”។

លោកនិយាយថា “មនុស្សត្រូវយល់ថា តំបន់គ្មានការហោះហើរមានន័យយ៉ាងដូចម្តេច។ វាមិនមែនជាច្បាប់មួយចំនួន ដែលអ្នកត្រូវអនុម័តឲ្យគ្រប់គ្នាដាច់ខាតត្រូវគោរពតាមនោះទេ។ វាជាឆន្ទៈក្នុងការបាញ់ទម្លាក់យន្តហោះរបស់សហព័ន្ធរុស្ស៊ី”។

សមាជិកព្រឹទ្ធសភាម្នាក់ទៀត មកពីគណបក្សប្រជាធិបតេយ្យរដ្ឋ Connecticut លោក Christopher Murphy បាននិយាយនៅលើទូរទស្សន៍ Fox ថា លោកជឿថា វាមិនមែនជាផលប្រយោជន៍របស់អាមេរិក ឬអឺរ៉ុប ដើម្បីអនុវត្តតំបន់គ្មានការហោះហើរនោះទេ។

ការ​ធ្វើ​បែបនេះអាច​នាំឲ្យមហា​អំណាច​នុយក្លេអ៊ែរ ​ដែល​បំពាក់​អាវុធ​ធំ​បំផុត​របស់​ពិភពលោក​ទាំង​ពីរ ​នឹង​ធ្វើ​សង្គ្រាម​ប្រឆាំង​គ្នា​ដោយ​ផ្ទាល់៕

ប្រែសម្រួល៖ Vann Vann

ប្រភព៖ BBC

ចុចអាន៖ Putin ក្លែងក្លាយដេកភ័យ ចាប់តាំងពីរុស្ស៊ី វាយលុក អ៊ុយក្រែន