លោក ពូទីន បញ្ជាក់ពីស្ថានភាពរោងចក្រថាមពលនុយក្លេអ៊ែរនៅ អ៊ុយក្រែន

បន្ទាប់ពីសន្ទនាគ្នាតាមទូរស័ព្ទជាមួយលោកប្រធានាធិបតីរុស្ស៊ី វ្ល៉ាឌីមៀ ពូទីន កាលពីថ្ងៃអាទិត្យ, ប្រធានាធិបតីបារាំងលោក Emmanuel Macron បានសម្តែងការព្រួយបារម្ភយ៉ាងខ្លាំងអំពីហានិភ័យចំពោះសុវត្ថិភាពនុយក្លេអ៊ែរ ក្រោយកងកម្លាំងរុស្ស៊ីបានកាន់កាប់រោងចក្រថាមពលនុយក្លេអ៊ែរ Zaporizhzhia នៅភាគអាគ្នេយ៍អ៊ុយក្រែន ។

ទន្ទឹមនោះលោក ពូទីន បានឆ្លើយតបទៅវិញថា សុវត្ថិភាពរបស់រោងចក្រត្រូវបានការពារយ៉ាងល្អ ។ លោក ពូទីន បានប្រាប់លោក Macron ថា “អ្វីៗទាំងអស់នេះត្រូវបានធ្វើក្នុងគោលបំណងដើម្បីបដិសេធរាល់ការបង្កហេតុដោយពួក neo-Nazis របស់អ៊ុយក្រែន ឬភេរវករដើម្បីចៀសវាងផលវិបាកមហន្តរាយណាមួយ” ។

តាមសេចក្តីរាយការណ៍លោក ពូទីន បាននិយាយថា សំណើរបស់ទីភ្នាក់ងារថាមពលបរមាណូអន្តរជាតិ (IAEA) ដើម្បីរៀបចំកិច្ចប្រជុំត្រីភាគីនៃប្រទេសរុស្ស៊ី-អ៊ុយក្រែន និង IAEA ដើម្បីពិភាក្សាអំពីសុវត្ថិភាពនៃរោងចក្រនុយក្លេអ៊ែរនៅអ៊ុយក្រែន “អាចជាគំនិតដ៏ល្អ” ។

ប៉ុន្តែលោក ពូទីន តាមសេចក្តីរាយការណ៍បានចង្អុលបង្ហាញថា កិច្ចប្រជុំនេះគួរតែធ្វើឡើងតាមរយៈ Video Conference ឬនៅប្រទេសទីបីជាជាងនៅអ៊ុយក្រែន ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ មេទ័ពអង្គការ “Neo-nazi” រុស្ស៊ី ល្បីខាងធ្វើទារុណកម្ម និងប្រហារជីវិត ត្រូវបាញ់សម្លាប់នៅ អ៊ុយក្រែន