មីស៊ីល របស់អូស្រ្តាលី បញ្ជូនទៅដល់ អ៊ុយក្រែន ហើយ

កាលពីសប្តាហ៍មុន ប្រទេសអូស្ត្រាលីបានសន្យាថានឹងផ្តល់មីស៊ីល គ្រាប់រំសេវ និងសម្ភារៈយោធាផ្សេងទៀតស្មើនឹងទំហំទឹកប្រាក់ចំនួន៥០លានដុល្លារអាមេរិកទៅឲ្យអ៊ុយក្រែន ដើម្បីប្រយុទ្ធប្រឆាំងនឹងការលុកលុយរបស់រុស្ស៊ី។

ស្រាប់តែនៅថ្ងៃចន្ទទី០៧ខែមីនានេះ លោកនាយករដ្ឋមន្ត្រី Scott Morrison បាននិយាយថា មីស៊ីលអូស្រ្តាលីបានទៅដល់ប្រទេសអ៊ុយក្រែនហើយ។

ស្របពេលជាមួយគ្នានោះ លោកក៏បានពណ៌នាអំពីទំនាក់ទំនងជិតស្និទ្ធរវាងរុស្ស៊ី និងចិនថា ជាឱកាសនិយមជាជាងយុទ្ធសាស្ត្រផងដែរ។

លោកបាននិយាយថា រុស្ស៊ី និងចិនមានចិត្តចង់បានសណ្នាប់ធ្នាប់ពិភពលោកថ្មីមួយ ជាជាងអ្វីដែលមានចាប់តាំងពីសង្គ្រាមលោកលើកទីពីរមក។

លោក Morrison ថែមទាំងបានរិះគន់ការបរាជ័យរបស់ទីក្រុងប៉េកាំង ក្នុងការថ្កោលទោសការលុកលុយរបស់រុស្ស៊ីលើអ៊ុយក្រែន និងការពង្រីកពាណិជ្ជកម្មរបស់ចិនលើស្រូវសាលីរបស់រុស្ស៊ី ស្របពេលដែលប្រទេសផ្សេងទៀតកំពុងដាក់ទណ្ឌកម្ម៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ កងទ័ពអ៊ុយក្រែន វាយយកបានទីក្រុងមួយមកវិញ ហើយសម្លាប់មេបញ្ជាការជាន់ខ្ពស់រុស្ស៊ី ២នាក់