មេទ័ពរុស្ស៊ីម្នាក់ទៀត ដែលមានបទពិសោធន៍សង្គ្រាមជោកជាំ ត្រូវស្លាប់ក្នុងសមរភូមិ

យោងតាមក្រសួងការពារជាតិអ៊ុយក្រែនបានឲ្យដឹងថា មេទ័ពកំពូលម្នាក់ នៅក្នុងកងទ័ពរុស្ស៊ីត្រូវបានសម្លាប់ក្នុងអំឡុងពេលប្រយុទ្ធនៅជិតទីក្រុង Kharkov។

យោងតាមសេចក្តីថ្លែងការណ៍របស់ក្រសួងការពារជាតិអ៊ុយក្រែន, លោក Vitaly Gerasimov គឺជាឧត្តមសេនីយ៍ឯក ជាអគ្គសេនាធិការ និងជាមេបញ្ជាការរងទីមួយ នៃកងពលលេខ៤១ក្នុងស្រុកយោធាមជ្ឈិមនៃប្រទេសរុស្ស៊ី។

មន្ត្រី​យោធា​ជាន់ខ្ពស់​រុ​ស្ស៊ី​មួយ​ចំនួនទៀត ​ក៏​ត្រូវ​បាន​សម្លាប់ និង​រង​របួសផង​ដែរក្នុងការប្រយុទ្ធគ្នានោះ។

គួរបញ្ជាក់ថា Gerasimov មានបទពិសោធន៍សង្គ្រាមយ៉ាងជោកជាំ ដោយបានចូលរួមប្រយុទ្ធក្នុងសង្រ្គាម Chechen លើកទីពីរ និងប្រតិបត្តិការយោធារុស្ស៊ីនៅក្នុងប្រទេសស៊ីរី។ លោកថែមទាំងបានទទួលមេដាយ សម្រាប់ការយកបានតំបន់គ្រីមៀផងដែរ៕

ប្រែសម្រួល៖ Vann Vann

ប្រភព៖ BBC

ចុចអាន៖ កងទ័ពអ៊ុយក្រែន វាយយកបានទីក្រុងមួយមកវិញ ហើយសម្លាប់មេបញ្ជាការជាន់ខ្ពស់រុស្ស៊ី ២នាក់