ព័ត៌មានអន្ដរជាតិ

លោក Zelensky ថា អ៊ុយក្រែន នឹងប្រយុទ្ធដល់ទីបញ្ចប់

បានផុស

៣ years មុន

នៅ

ថ្ងៃពុធ ៩ មីនា ២០២២

ដោយ

ប្រធានាធិបតីអ៊ុយក្រែនលោក Volodymyr Zelensky បាននិយាយនៅក្នុងសុន្ទរកថាទៅកាន់សមាជិកសភាអង់គ្លេសរួមជាមួយលោកនាយករដ្ឋមន្ត្រី Boris Johnson តាមរយៈ Videolink ថា ប្រទេសរបស់លោកនឹងប្រយុទ្ធ និងតស៊ូរហូតដល់ទីបញ្ចប់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានាធិបតីអ៊ុយក្រែនបានពណ៌នារយៈពេល ១៣ ថ្ងៃនៃការប្រយុទ្ធគ្នានេះថា “យើងមិនបានចាប់ផ្តើមសង្គ្រាមទេ ហើយយើងមិនចង់មានសង្គ្រាមឡើយ” ។ លោកបាននិយាយថា “ប៉ុន្តែយើងកំពុងប្រកួតប្រជែងវា ។ ដោយសារតែយើងមិនចង់បាត់បង់អ្វីដែលយើងមាន អ្វីដែលជារបស់យើងគឺអ៊ុយក្រែន” ។

លោក Zelensky បាននិយាយថា កុមារជាង ៥០ នាក់ត្រូវបានសម្លាប់ ចាប់តាំងពីការលុកលុយបានចាប់ផ្តើម ។ លោកបន្ថែមថា ពេលនេះប្រជាពលរដ្ឋក៏មិនមានទឹកប្រើប្រាស់ផងដែរ ។

លោកប្រធានាធិបតីបញ្ជាក់ថា “យើងនឹងមិនចុះចាញ់ឡើយ! យើងនឹងប្រយុទ្ធនៅក្នុងសមុទ្រ យើងនឹង ប្រយុទ្ធលើអាកាស យើងនឹងការពារទឹកដីរបស់យើង ទោះក្នុងតម្លៃណាក៏ដោយ ហើយលោកក៏បានស្នើឲ្យអង់គ្លេស និងប្រទេសដទៃទៀតប្រើទណ្ឌកម្មដើម្បីបង្កើនសម្ពាធលើរុស្ស៊ីផងដែរ” ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ Wladimir Klitschko សារភាពថា សង្គ្រាមនៅ អ៊ុយក្រែន ជាការប្រយុទ្ធដ៏ធំបំផុតក្នុងជីវិតរបស់គាត់