លោក Zelensky ចេញវីដេអូមួយទៀត ស្តីបន្ទោសអឺរ៉ុបទាំងយប់

នៅក្នុងវីដេអូសុន្ទរកថាពេលយប់ លោក Zelensky បានអំពាវនាវឲ្យពលរដ្ឋអឺរ៉ុបធ្វើបន្ថែមទៀត ដើម្បីដាក់សម្ពាធដល់រដ្ឋាភិបាលរបស់ពួកគេ ឲ្យធ្វើអន្តរាគមន៍នៅអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកនិយាយថា “អឺរ៉ុប! អ្នកមិនបាច់និយាយថា អ្នកមិនបានឃើញអ្វីដែលកើតឡើងចំពោះជនជាតិអ៊ុយក្រែន អ្វីដែលបានកើតឡើងចំពោះអ្នកក្រុង Mariupol ទេ។ អ្នកឃើញ អ្នកដឹងហើយ”។

លោកក៏បាន​អំពាវនាវ​ឲ្យ​លោកខាងលិច ​បង្កើន​ទណ្ឌកម្ម​លើ​រុស្ស៊ី និង​ដាក់​សម្ពាធ​​ក្រុងមូស្គូ ដើម្បី​បង្ខំ​ឲ្យ​ប្រទេស​នេះចូលតុ​ចរចា និង​បញ្ចប់​សង្រ្គាមផងដែរ។

លោកនិយាយថា “យើងមិនបានធ្វើ ហើយក៏មិនដែលធ្វើអ្វីដែលស្រដៀងនឹងឧក្រិដ្ឋកម្មសង្រ្គាមនេះចំពោះទីក្រុង Donetsk, Luhansk ឬតំបន់ផ្សេងទៀតនោះដែរ”។

លោក​បាន​បន្ថែម​ថា ការ​ជម្លៀស​ជន​ស៊ីវិល​កំពុង​បន្ត​ ដោយ​មាន​មនុស្សចំនួន ៣៥ ០០០ នាក់ហើយ​ត្រូវ​បាន​ជួយ​សង្គ្រោះ គិតត្រឹម​ពេល​នេះ។ អ្នកជម្លៀសកាលពីថ្ងៃពុធ កំពុងចាកចេញពីទីក្រុង Sumy, កៀវ និង Enerhodar៕

ប្រែសម្រួល៖ Vann Vann

ប្រភព៖ BBC

ចុចអាន៖ រដ្ឋមន្ត្រីការបរទេសរុស្ស៊ី ទៅដល់ តួកគី ត្រៀមពិភាក្សាជាមួយសមភាគី អ៊ុយក្រែន