មនុស្សបេះដូងជ្រូកដំបូងគេលើលោក ទទួលមរណភាពហើយ ក្រោយវះកាត់បាន ២ខែ (មានវីដេអូ)

មនុស្សដំបូងគេក្នុងពិភពលោក ដែលបានទទួលការប្តូរបេះដូង ពីជ្រូកដែលកែហ្សែន បានទទួលមរណភាពកាលពីថ្ងៃទី៨ខែមីនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក David Bennett អាយុ៥៧ឆ្នាំ មានជំងឺបេះដូងដំណាក់កាលចុងក្រោយ ហើយបានរស់រានមានជីវិតរយៈពេល២ខែ បន្ទាប់ពីការវះកាត់ដែលបានធ្វើឡើងនៅសហរដ្ឋអាមេរិក។

ទោះបីជាយ៉ាងណាក៏ដោយ ស្ថានភាពរបស់គាត់បានចាប់ផ្តើមយ៉ាប់យ៉ឺន ក្នុងរយៈពេលប៉ុន្មានថ្ងៃចុងក្រោយ។ នេះបើយោងតាមវេជ្ជបណ្ឌិតរបស់គាត់នៅទីក្រុង Baltimore។

លោកវេជ្ជបណ្ឌិត Bartley P Griffith សាស្ត្រាចារ្យផ្នែកវះកាត់ប្តូរសរីរាង្គ នៅសាកលវិទ្យាល័យ Maryland (UMSOM) បានធ្វើការវះកាត់នៅថ្ងៃទី៧ខែមករា ហើយនិយាយនៅពេលនោះថា ការវះកាត់នេះអាចចាប់ផ្តើមបំពេញបេះដូង តាមតម្រូវការសម្រាប់អ្នកជំងឺនាពេលអនាគត។

ក្រោយការវះកាត់ ក្រុមគ្រូពេទ្យបាននិយាយថា បេះដូងដែលប្តូររបស់លោក Bennett គឺដំណើរការបានយ៉ាងល្អប្រសើរ អស់រយៈពេលជាច្រើនសប្តាហ៍ ដោយគ្មានសញ្ញាមិនប្រក្រតីណាមួយឡើយ។

លោកវេជ្ជបណ្ឌិត Griffith និយាយថា “យើងមានការសោកស្ដាយជាទីបំផុត ចំពោះការបាត់បង់លោក Bennett។ គាត់បានបង្ហាញឲ្យឃើញពីភាពក្លាហាន និងជាអ្នកជំងឺដ៏ថ្លៃថ្នូ ដែលបានតស៊ូរហូតដល់ទីបញ្ចប់។ យើងសូមចូលរួមរំលែកទុក្ខដ៏ក្រៀមក្រំបំផុត ចំពោះក្រុមគ្រួសាររបស់គាត់”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Star

ចុចអាន៖ ប្រវត្តិសាស្រ្ត! គ្រូពេទ្យអាមេរិកជោគជ័យ វះកាត់ដាក់បេះដូងជ្រូក ចូលក្នុងខ្លួនមនុស្ស