ព័ត៌មានអន្ដរជាតិ

មន្ត្រីទូតកំពូលរុស្ស៊ី និងអ៊ុយក្រែនទៅដល់តួកគីហើយដើម្បីបន្តការចរចាថ្ងៃនេះ

បានផុស

៣ years មុន

នៅ

ថ្ងៃព្រហស្បតិ៍ ១០ មីនា ២០២២

ដោយ

រដ្ឋមន្ត្រីក្រសួងការបរទេសរុស្ស៊ី លោក Sergey និងរដ្ឋមន្ត្រីក្រសួងការបរទេសអ៊ុយក្រែន លោក Dmytro Kuleba ត្រូវបានគេរាយការណ៍ថា បានទៅដល់ប្រទេសតួកគីហើយដើម្បីបន្តការចរចារវាងមន្ត្រីទូតកំពូលប្រទេសទាំងពីរ។

ក្រសួងការបរទេសរុស្ស៊ីបានបញ្ជាក់ថា លោក Sergey Lavrov បានចេញដំណើរទៅទីក្រុង Antalya ប្រទេសតួកគីកាលពីថ្ងៃពុធ ខណៈសារព័ត៌មានក្នុងស្រុកបានរាយការណ៍ក្រោយមកថា ភាគីទាំងពីរគឺលោក Sergey និងលោក Kuleba បានទៅដល់ប្រទេសតួកគីហើយដើម្បីកិច្ចចរចាសន្តិភាព ដែលគ្រោងធ្វើនៅសណ្ឋាគារ Regnum Carya នាថ្ងៃព្រហស្បតិ៍នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រសួងការបរទេសអ៊ុយក្រែន លោក Oleg Nikolenko បានបញ្ជាក់តាម Twitter ថា លោក Kuleba ពិតជាបានទៅដល់ប្រទេសតួកគីមែន។

ជាមួយគ្នានេះ រដ្ឋមន្ត្រីក្រសួងការបរទេសតួកគី លោក Mevlut Cavusoglu បានប្រកាសថា កិច្ចប្រជុំតាមផែនការកាលពីថ្ងៃចន្ទមានសញ្ញារបត់មួយ និងជាជំហានដ៏សំខាន់ឆ្ពោះទៅរកសន្តិភាព និងស្ថិរភាព។

កិច្ចប្រជុំចរចានៅទីក្រុង Antalya នឹងធ្វើឡើងលើកទី៣ បន្ទាប់ពីកិច្ចប្រជុំចរចានៅប្រទេសបេឡារុស្សដែលជាសម្ព័ន្ធមិត្តជិតស្និទ្ធរបស់រុស្ស៊ីដែលបានបើកច្រករបៀងមនុស្សធម៌មានកំណត់។ ចាប់តាំងពីពេលនោះមកលោកប្រធានាធិបតីអ៊ុយក្រែន Volodymyr Zelensky មានឆន្ទៈពិភាក្សាការទាមទារសំខាន់របស់រុស្ស៊ី រាប់ទាំងការទទួលស្គាល់តំបន់ Crimea ជាទឹកដីរបស់រុស្ស៊ី និងមុខងារតំបន់បំបែកខ្លួនគឺសាធារណៈរដ្ឋ Donetsk និង Lugansk៕

ប្រែសម្រួល៖ វីរបុត្រ
ប្រភព៖ RT