រុស្ស៊ីបញ្ជាក់ច្បាស់ៗ ក្រោយអ៊ុយក្រែនចោទថា ទម្លាក់គ្រាប់បែកលើមន្ទីរពេទ្យកុមារ

ប្រទេសរុស្ស៊ីបាននិយាយនៅថ្ងៃព្រហស្បតិ៍ទី១០ខែមីនានេះថា ការអះអាងរបស់អ៊ុយក្រែនដែលថា រុស្ស៊ីទម្លាក់គ្រាប់បែកលើមន្ទីរពេទ្យកុមារក្នុងទីក្រុង Mariupol គឺជា “ព័ត៌មានក្លែងក្លាយ” ព្រោះអគារនេះគឺជាអតីតមន្ទីរពេទ្យសម្ភព ដែលត្រូវបានទាហានកាន់កាប់ជាយូរមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Dmitry Polyanskiy អនុតំណាងអចិន្ត្រៃយ៍ទីមួយរបស់រុស្ស៊ី ប្រចាំអង្គការសហប្រជាជាតិបាននិយាយនៅលើ Twitter ថា “នោះហើយជារបៀបដែល ព័ត៌មានក្លែងក្លាយ កកើតមក”។

លោក Polyanskiy និយាយថា ប្រទេសរុស្ស៊ីបានព្រមានកាលពីថ្ងៃទី៧ខែមីនាថា មន្ទីរពេទ្យនេះត្រូវបានប្រែក្លាយទៅជាទីតាំងយោធា ដែលទាហានអ៊ុយក្រែនយកធ្វើជាកន្លែងបាញ់អាវុធចេញ។

គួរបញ្ជាក់ថា ប្រធានាធិបតីអ៊ុយក្រែនលោក Volodymyr Zelenskiy បានចោទប្រកាន់រុស្ស៊ីថាបានប្រព្រឹត្តអំពើប្រល័យពូជសាសន៍ បន្ទាប់ពីមន្ត្រីអ៊ុយក្រែននិយាយថា យន្តហោះរុស្ស៊ីបានទម្លាក់គ្រាប់បែកលើមន្ទីរពេទ្យកុមារកាលពីថ្ងៃពុធ៕

ប្រែសម្រួល៖ Vann Vann

ប្រភព៖ Reuters

ចុចអាន៖ អាមេរិក ថា ការបញ្ជូនយន្តហោះចម្បាំងប៉ូឡូញ ទៅអ៊ុយក្រែន “ប្រឈមហានិភ័យខ្ពស់ណាស់”