ព័ត៌មានអន្ដរជាតិ

អនុប្រធានាធិបតីអាមេរិក Harris ផ្ទុះសំណើចរឿងអ្នកកាសែតសួរពីជនភៀសខ្លួនអ៊ុយក្រែន (វីដេអូ)

បានផុស

៣ years មុន

នៅ

ថ្ងៃសុក្រ ១១ មីនា ២០២២

ដោយ

អនុប្រធានាធិបីសហរដ្ឋអាមេរិក លោកស្រី Kamala Harris បានផ្ទុះសំណើចនៅពេលអ្នកសារព័ត៌មានសួរអំពីផែនការរបស់រដ្ឋាភិបាលក្រុងវ៉ាស៊ីនតោនក្នុងការជួយជនភៀសខ្លួនអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Harris កំពុងត្រូវបានសួរពាក់ព័ន្ធនឹងវិបត្តិអ៊ុយក្រែនដែលស្ថិតនៅជាមួយលោកប្រធានាធិបតីប៉ូឡូញលោក Andrzej Duda កាលពីថ្ងៃព្រហស្បតិ៍នៅទីក្រុង Warsaw ឧបទ្ទវហេតុផ្ទុះសំណើចបានកើតមានឡើង។

អ្នកកាសែតម្នាក់បានសួរលោកស្រី Harris ថាតើ អាមេរិកមានឆន្ទៈក្នុងការបែងចែកជាក់លាក់សម្រាប់ជនភៀសខ្លួនអ៊ុយក្រែនទេ ហើយបន្ទាប់មកបានសួរទៅលោក Duda ថាតើ លោកប្រធានាធិបតីបានស្នើសុំរដ្ឋាភិបាលក្រុងវ៉ាស៊ីនតោនឲ្យទទួលយកជនភៀសខ្លួនបន្ថែម ឬយ៉ាងណា។

អ្នកនយោបាយទាំងពីរបានសម្លឹងមុខគ្នាទៅវិញទៅមក និងបានងក់ក្បាលជាសញ្ញាឆ្លើយតប។ ពេលនោះ អនុប្រធានាធិបតីអាមេរិកបានញញឹមពេលបែរមុខទៅលោក Duda ដោយនិយាយថា ៖«មិត្តដែលត្រូវការគឺជាមិត្តពិតប្រាកដ» ហើយក៏បានផ្ទុះសំណើចឡើង មុនពេលឲ្យលោកប្រធានាធិបតីប៉ូឡូញនិយាយ។

លោក Duda បានបង្ហាញថា លោកបានសួរលោកស្រី Harris សម្រាប់ជំនួញដើម្បីដោះស្រាយលំហូរជនភៀសខ្លួនពីប្រទេសអ៊ុយក្រែន។ លោកបន្ថែមថា លោកបានអំពាវនាវច្បាស់លាស់ដល់ទីក្រុងវ៉ាស៊ីនតោនឲ្យបង្កើនល្បឿន និងសម្រួលក្នុងការទទួលយកជនភៀសខ្លួនអ៊ុយក្រែនទាំងនោះដែលមានសាច់ញាតិនៅអាមេរិក និងនរណដែលស្ម័គ្រចិត្ត យ៉ាងហោចណាស់ក្នុងពេលកំពុងមានសង្គ្រាមដើម្បីទៅស្នាក់នៅជាមួយក្រុមគ្រួសាររបស់ពួកគេនៅសហរដ្ឋអាមេរិក។

លោកស្រីអនុប្រធានាធិបតីអាមេរិកកំពុងធ្វើដំណើរទស្សនកិច្ចរយៈពេល៣ថ្ងៃនៅប្រទេសប៉ូឡូញ និងរ៉ូម៉ានីដើម្បីពិភាក្សាជាមួយសម្ព័ន្ធមិត្តអំពីការវាយប្រហារយោធារបស់រុស្ស៊ីនៅអ៊ុយក្រែន។ កាលពីព្រឹកថ្ងៃព្រហស្បតិ៍ លោកស្រីបានជួបលោកនាយករដ្ឋមន្ត្រីប៉ូឡូញ Mateusz Morawiecki ដើម្បីសម្របសម្រួលចំពោះការឆ្លើយតបអន្តរជាតិពីជម្លោះដែលបណ្តាលឲ្យមានជនភៀសខ្លួនជាង២លាននាក់ពីអ៊ុយក្រែន ក្នុងនោះមាន១.២លាននាក់ឆ្លងចូលប្រទេសប៉ូឡូញ៕