លោក ពូទីន អំពាវនាវឲ្យអ្នកស្ម័គ្រចិត្តបរទេស ១៦ ០០០ នាក់ មកជួយប្រយុទ្ធប្រឆាំងអ៊ុយក្រែន

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានអំពាវនាវឲ្យអ្នកស្ម័គ្រចិត្តបរទេស មកប្រយុទ្ធប្រឆាំងនឹងកងកម្លាំងអ៊ុយក្រែន។

ថ្លែងក្នុងកិច្ចប្រជុំក្រុមប្រឹក្សាសន្តិសុខរុស្ស៊ី លោកបាននិយាយថា អ្នកស្ម័គ្រចិត្ត ចង់មកប្រយុទ្ធជាមួយកងកម្លាំងដែលគាំទ្រដោយរុស្ស៊ី គួរតែត្រូវបានអនុញ្ញាត។

រដ្ឋមន្ត្រីការពារជាតិរុស្ស៊ីលោក Sergei Shoigu បាននិយាយថា មានអ្នកស្ម័គ្រចិត្តចំនួន ១៦ ០០០នាក់នៅមជ្ឈិមបូព៌ា បានត្រៀមខ្លួនរួចជាស្រេច មកប្រយុទ្ធរួមជាមួយកងកម្លាំងដែលគាំទ្រដោយរុស្ស៊ី។

លោក ពូទីន បានប្រាប់រដ្ឋមន្ត្រីការពារជាតិរបស់លោកថា “ប្រសិនបើអ្នកឃើញថា មានមនុស្សដែលចង់បានការព្រមព្រៀងគ្នា មិនមែនដើម្បីលុយមកជួយប្រជាជនដែលរស់នៅក្នុងតំបន់ Donbas, យើងត្រូវតែផ្តល់ឲ្យពួកគេ នូវអ្វីដែលពួកគេចង់បាន ហើយជួយពួកគេទៅដល់តំបន់ជម្លោះ”។

ស្របពេលជាមួយគ្នានោះ លោក Shoigu ក៏បានស្នើឲ្យប្រគល់ប្រព័ន្ធមីស៊ីលប្រឆាំងរថក្រោះរបស់លោកខាងលិចដែលខ្លួនរឹបអូសបាន ទៅឲ្យក្រុមឧទ្ទាមគាំទ្រដោយរុស្ស៊ីនៅតំបន់ផ្តាច់ខ្លួន Luhansk និង Donetsk ផងដែរ៕

ប្រែសម្រួល៖ Vann Vann

ប្រភព៖ BBC

ចុចអាន៖ លោក ចូ បៃដិន ព្រមានថា អន្តរាគមន៍អាមេរិកនៅអ៊ុយក្រែន គឺជាសង្គ្រាមលោកលើកទី៣