ការស្លាប់របស់ Tangmo ប្រតិកម្មដល់នាយករដ្ឋមន្ត្រី ពេលនេះលោក ប្រាយុទ្ធ បញ្ជាស៊ើបអង្កេតឲ្យគ្រប់ជ្រុងជ្រោយ

កាលពីថ្ងៃទី១១ ខែមីនា លោក ថាណាកន អ្នកនាំពាក្យប្រចាំទីស្ដីការនាយករដ្ឋមន្ត្រីបានឲ្យដឹងថា លោកនាយករដ្ឋមន្ត្រី ប្រាយុទ្ធ ចាន់អូចា បានជំរុញឲ្យសមត្ថកិច្ចប៉ូលិស និងមន្ត្រីពាក់ព័ន្ធពន្លឿនការស៊ើបអង្កេតចំពោះការស្លាប់របស់តារាល្បីគឺនាង Tangmo ។

លោក ប្រាយុទ្ធ បញ្ជាក់ថា សូមពន្លឿនការស៊ើបអង្កេតរាល់ការសង្ស័យទាំងអស់ដោយប្រុងប្រយ័ត្ន គ្រប់ជ្រុងជ្រោយតាមវិទ្យាសាស្ត្រ ជាសំខាន់គឺតម្លាភាពជាមួយនឹងនីតិវិធីក្នុងការធ្វើកោសល្យវិច្ច័យ ។

ទន្ទឹមគ្នានេះលោក ប្រាយុទ្ធ ក៏បានអំពាវនាវប្រជាជនឲ្យមានការប្រុងប្រយ័ត្នខ្ពស់ក្នុងការជួបជុំគ្នាទ្រង់ទ្រាយធំនៅតាមទីកន្លែងផ្សេងៗ ជាពិសេសក្នុងពិធីកាន់ទុក្ខនាង Tangmo ដែលបានធ្វើឡើងចាប់តាំងពីថ្ងៃទី១១ និងបន្តដល់ថ្ងៃទី១៣ ខែមីនា នេះ ។

លោកនាយករដ្ឋមន្ត្រីបញ្ជាក់ថា ពិធីបុណ្យដែលធ្វើឡើងនៅព្រះវិហារសេរីភាពបាងកកនៅថ្ងៃដំបូងមានប្រជាជនចូលរួមរហូតដល់ ១,០០០ នាក់ក្នុងមួយថ្ងៃ ដូច្នេះនេះហើយជាបញ្ហាដែលប្រជាជនត្រូវមានការប្រុងប្រយ័ត្នទាំងអស់គ្នាឲ្យបានម៉ឺងម៉ាត់ក្នុងគោលបំណងដើម្បីទប់ស្កាត់ការឆ្លងរាលដាលនៃជំងឺកូវីដ ១៩ ៕

ប្រែសម្រួលដោយ ៖ គង់ សំអាន

ប្រភព ៖ The Standard

ចុចអាន ៖ លោក ប្រាយុទ្ធ ស្នើឲ្យប្រជាជនយោគយល់អំពីបញ្ហាប្រេងសាំង និងទំនិញឡើងថ្លៃ