ព័ត៌មានអន្ដរជាតិ

លោក Zelensky ថា ចាំតែចរចាជាមួយ រុស្ស៊ី ប៉ុណ្ណោះ

បានផុស

៣ years មុន

នៅ

ថ្ងៃអាទិត្យ ១៣ មីនា ២០២២

ដោយ

ប្រធានាធិបតីអ៊ុយក្រែនលោក Volodymyr Zelensky បានបង្ហាញពីការការត្រៀមខ្លួនរួចជាស្រេច ក្នុងការចរចាជាមួយរុស្ស៊ី។ ខណៈលោកបានស្នើឲ្យនាយករដ្ឋមន្ត្រីអ៊ីស្រាអែល រៀបចំកិច្ចចរចាសន្តិភាពនៅក្រុង Jerusalem។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានាធិបតីរូបនេះ បាននិយាយកាលពីថ្ងៃសៅរ៍ ក្នុងអំឡុងសន្និសីទកាសែតជាមួយប្រព័ន្ធផ្សព្វផ្សាយបរទេសថា “ក្រុមតំណាងអ៊ុយក្រែន និងរុស្ស៊ី កំពុងពិភាក្សាអំពីបញ្ហាមួយចំនួន។ ពួកគេចាប់ផ្ដើមនិយាយអំពីអ្វីមួយ និងមិនត្រឹមតែបោះឱសានវាទនោះទេ” ។

លោក Zelensky បានបន្ថែមទៀតថា ក្រុងកៀវមានទស្សនៈថា កិច្ចចរចាកម្រិតខ្ពស់ណាមួយជាមួយរុស្ស៊ី គួរតែធ្វើឡើងនៅលើទឹកដីអព្យាក្រឹត ដោយដាក់ឈ្មោះអ៊ីស្រាអែលជាម្ចាស់ផ្ទះដ៏មានសក្ដានុពល សម្រាប់ការចរចាបែបនេះ។ ប្រសិនបើលទ្ធផលទទួលបានជោគជ័យ ប្រទេសរបស់លោកនឹងត្រូវការ “ការធានាសុវត្ថិភាព” ជាក់លាក់ដែលជម្លោះដែលកំពុងបន្ត ត្រូវបានដោះស្រាយ មិនត្រឹមតែតាមទស្សនៈរបស់រុស្ស៊ីប៉ុណ្ណោះទេ ប៉ុន្តែក៏មកពីប្រទេសលោកខាងលិចផងដែរ។ លោកបានស្នើថា អ៊ីស្រាអែលអាចដើរតួជាអ្នកធានា ក្នុងការគោរពនោះ។

គួរបញ្ជាក់ដែរថា មកទល់ពេលនេះ គណៈប្រតិភូរុស្ស៊ី និងអ៊ុយក្រែនបានជួបប្រជុំគ្នាចំនួនបីដង នៅប្រទេសបេឡារុស ដើម្បីពិភាក្សាអំពីជម្លោះដែលកំពុងបន្ត។ ក្រៅពីការឈានដល់ការយោគយល់ខ្លះៗ អំពីការបង្កើតច្រករបៀងមនុស្សធម៌ ដើម្បីជម្លៀសជនស៊ីវិលចេញពីតំបន់ប្រយុទ្ធ ភាគីទាំងពីរ មិនបានសម្រេចបានលទ្ធផលជាក់ស្តែងណាមួយឡើយ៕

ប្រែសម្រួល៖ សាង ស្រីល័ក្ខ

ប្រភព៖ RT

ចុចអាន៖រុស្ស៊ី ឆ្លើយតបយ៉ាងឆ្ងាញ់ទៅ អាមេរិក ក្រោយបញ្ឆេះថា ក្រុងមូស្គូអាចប្រើ អាវុធគីមីនៅ អ៊ុយក្រែន

ចុចអាន៖មកស្គាល់ប្រវត្តិបិតានុយក្លេអ៊ែរ និងរូបមន្តផលិតអាវុធប្រល័យលោក J. Robert Oppenheimer