ព័ត៌មានអន្ដរជាតិ

UN រិះគន់ Meta ដែលអនុញ្ញាត ឲ្យមានការនិយាយស្អប់ខ្ពើម ប្រឆាំងនឹងជនជាតិ រុស្ស៊ី

បានផុស

៣ years មុន

នៅ

ថ្ងៃអាទិត្យ ១៣ មីនា ២០២២

ដោយ

អង្គការសហប្រជាជាតិ (UN ) បានថ្កោលទោសទង្វើរបស់ Meta ដែលអនុញ្ញាត ឲ្យមានការលើកឡើងគួរឲ្យស្អប់ខ្ពើម និងអំពាវនាវឲ្យមានអំពើហិង្សា លើជនជាតិរុស្ស៊ីមួយចំនួន ដោយលោក Stephane Dujarric អ្នកនាំពាក្យរបស់អគ្គលេខាធិការអង្គការសហប្រជាជាតិ បានបញ្ជាក់ថា ស្ថាប័នអន្តរជាតិ មិនអត់ឱនចំពោះការអំពាវនាវបែបនេះ មកពីភាគីណាមួយឡើយ។

**លោក Stephane Dujarric អ្នកនាំពាក្យរបស់អគ្គលេខាធិការអង្គការសហប្រជាជាតិ លោក Antonio Guterres**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Dujarric បាននិយាយនៅក្នុងសន្និសីទសារព័ត៌មានមួយថា «យើងឈរយ៉ាងច្បាស់ ប្រឆាំងនឹងរាល់ការនិយាយស្អប់ខ្ពើមទាំងអស់ ការអំពាវនាវឲ្យមានអំពើហិង្សា។ ភាសាប្រភេទនោះ គឺមិនអាចទទួលយកបាននោះទេ» ។

ទន្ទឹមនឹងនោះ Meta បានព្យាយាមបន្ទាបឥទ្ធិពល នៃការផ្លាស់ប្ដូរដ៏ចម្រូងចម្រាសរបស់ខ្លួន ដោយប្រធានប្រព័ន្ធផ្សព្វផ្សាយសង្គមយក្សសម្រាប់កិច្ចការសកល Meta Platforms និងជាអតីតឧបនាយករដ្ឋមន្ត្រីអង់គ្លេស លោក Nick Clegg បានអះអាងថា គោលដៅចម្បងនៃវេទិកានេះ គឺដើម្បីឲ្យប្រជាជនអ៊ុយក្រែន បញ្ចេញកំហឹងរបស់ពួកគេ ជុំវិញការវាយលុករបស់រុស្ស៊ី ដោយពណ៌នាការសម្រេចចិត្តថាជាវិធានការបណ្ដោះអាសន្ន។

លោកបានចេញសេចក្តីថ្លែងការណ៍មួយថា “ខ្ញុំចង់ឲ្យមានភាពច្បាស់លាស់ គោលនយោបាយរបស់យើង គឺផ្តោតលើការការពារសិទ្ធិរបស់ប្រជាជន ក្នុងការនិយាយ ជាការបង្ហាញនៃការការពារខ្លួនឯង ក្នុងប្រតិកម្មចំពោះការឈ្លានពានដោយយោធានៅក្នុងប្រទេសរបស់ពួកគេ”។

លោកបានបន្តថា គោលនយោបាយនេះ នឹងត្រូវអនុវត្តតែក្នុងប្រទេសអ៊ុយក្រែនប៉ុណ្ណោះ។ វាមិនច្បាស់ភ្លាមៗថា តើអ្នកស្រុកនៃប្រទេសផ្សេងទៀត នឹងត្រូវបានអនុញ្ញាតឲ្យបង្ហាញពី “កំហឹង” របស់ពួកគេ និងអំពាវនាវឲ្យមានអំពើហិង្សាលើកងទ័ពរុស្ស៊ី និងប្រធានាធិបតី វ្ល៉ាឌីមៀ ពូទីន ដែរទេ៕

ប្រែសម្រួល៖ សាង ស្រីល័ក្ខ

ប្រភព៖ RT

ចុចអាន៖លោក Zelensky ថា ចាំតែចរចាជាមួយ រុស្ស៊ី ប៉ុណ្ណោះ

ចុចអាន៖មេ Meta លោក Zuckerberg បាត់ទ្រព្យ២៩ប៊ីលានដុល្លារតែ១ថ្ងៃម្សិលមិញ