ព័ត៌មានអន្ដរជាតិ
លោក Zelensky ប្ដេជ្ញាការពារទីក្រុង កៀវ ដល់ទីបញ្ចប់ ទោះទ័ព រុស្ស៊ី ឡោមព័ទ្ធក៏ដោយ
អ៊ុយក្រែនបានរៀបចំសម្រាប់ការការពារទីក្រុងកៀវដល់ទីបញ្ចប់ ខណៈដែលរដ្ឋធានីមួយនេះប្រឈមមុខនឹងការឡោមព័ទ្ធដែលអាចកើតមានដោយកងកម្លាំងរុស្ស៊ី បន្ទាប់ពីកងកម្លាំងមួយនេះបានបន្តការទម្លាក់គ្រាប់បែកលើទីក្រុងកំពង់ផែ Mariupol ភាគខាងត្បូង ។

នៅក្នុងសុន្ទរកថាតាមវីដេអូមួយដែលត្រូវបានបង្ហោះនៅលើប្រព័ន្ធផ្សព្វផ្សាយសង្គមកាលពីយប់ថ្ងៃអាទិត្យ លោកប្រធានាធិបតី Volodymyr Zelensky បាននិយាយថា ទោះបីជាយ៉ាងណាក៏ដោយ ប្រជាជនរុស្ស៊ីមិនមានកម្លាំង ឬស្មារតីដើម្បីយកឈ្នះអ៊ុយក្រែននោះទេ ។
លោក Zelensky បាននិយាយថា “រុស្ស៊ីមិនអាចយកឈ្នះយើងបានទេ ។ ពួកគេមិនមានកម្លាំង និងស្មារតីបែបនេះទេ ។ ពួកគេកំពុងប្រព្រឹត្តអំពើហិង្សាតែមុខគត់ ដោយសារពួកគេមានអាវុធច្រើន” ។

នៅក្នុងវីដេអូនោះ លោក Zelensky ក៏បានអំពាវនាវឲ្យមានជំនួយបន្ថែមទៀតដល់អ៊ុយក្រែនផងដែរ ដោយលោកបាននិយាយថា “ខ្ញុំបន្តនិយាយម្តងទៀតទៅកាន់សម្ព័ន្ធមិត្ត និងមិត្តរបស់យើងនៅបរទេស ពួកគេត្រូវតែបន្តធ្វើបន្ថែមទៀតសម្រាប់ប្រទេសរបស់យើង និងសម្រាប់ប្រជាជនអ៊ុយក្រែន ។
ជាចុងក្រោយលោកបញ្ជាក់ថា វាមិនត្រឹមតែសម្រាប់ប្រទេសអ៊ុយក្រែន និងប្រជាជនអ៊ុយក្រែនប៉ុណ្ណោះទេ ប៉ុន្តែវាគឺសម្រាប់អឺរ៉ុបទាំងមូលតែម្ដង” ។

គួរបញ្ជាក់ថា រហូតមកដល់ពេលនេះសង្គ្រាមរវាងរុស្ស៊ី និងអ៊ុយក្រែនបានឈានដល់ថ្ងៃទី ១៩ ហើយ ចាប់តាំងពីការលុកលុយរបស់កងកម្លាំងក្រុងមូស្គូលើអ៊ុយក្រែនកាលពីថ្ងៃទី ២៤ ខែកុម្ភៈ ៕
ប្រែសម្រួលដោយ ៖ ជីវ័ន្ត
ប្រភព ៖ Bangkok Post
ចុចអាន ៖ លោក Zelensky បញ្ជាក់គោលបំណងរបស់ អ៊ុយក្រែន មុនកិច្ចប្រជុំជាមួយ រុស្ស៊ី

-
ចរាចរណ៍៣ ថ្ងៃ ago
ស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានអន្ដរជាតិ១ សប្តាហ៍ ago
ខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានជាតិ២២ ម៉ោង ago
សមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ ago
សម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
សុខភាព៤ ថ្ងៃ ago
ដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ ago
លើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សន្តិសុខសង្គម១ ថ្ងៃ ago
នគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានអន្ដរជាតិ១ សប្តាហ៍ ago
ខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា