ព័ត៌មានអន្ដរជាតិ

មេអង្គការណាតូ ប្រកាសពង្រឹងយោធាដ៏ធំបន្ថែមទៀតសម្រាប់សម្ព័ន្ធភាព

បានផុស

៣ years មុន

នៅ

ថ្ងៃពុធ ១៦ មីនា ២០២២

ដោយ

អគ្គលេខាធិការអង្គការណាតូ លោក Jens Stoltenberg បានប្រាប់អ្នកកាសែតកាលពីថ្ងៃអង្គារ៍ថា ការវាយប្រហាររបស់រុស្ស៊ីលើអ៊ុយក្រែននាំឲ្យកើតមាន«សន្តិសុខពិតប្រាកដថ្មីមួយ»នៅអ៉ឺរ៉ុប។

លោកបានអំពាវនាវឲ្យមានអាវុធកាន់តែច្រើន ការធ្វើសមយុទ្ធកាន់តែច្រើន និងបង្កើនការវិនិយោគដ៏ធំបន្ថែមទៀតដើម្បីពង្រឹងវត្តមានរបស់កតិកាសញ្ញាអឺរ៉ុប។

«ឥឡូវនេះមានកងកម្លាំងរាប់សែននាក់បានត្រៀមកម្រិតខ្ពស់ទូទាំងសម្ព័ន្ធភាព»។ លោក Stoltenberg បានប្រាប់សន្និសីទនៅទីក្រុងព្រុចសែលដោយសំអាងទៅលើកងទ័ពអាមេរិក១០ម៉ឺននាក់នៅមូលដ្ឋានតំបន់អឺរ៉ុប កម្លាំងទ័ព៤ម៉ឺននាក់ស្ថិតក្រោមការគ្រប់គ្រងរបស់ណាតូ និងប្រព័ន្ធការពារដែនអាកាស Patriot ដែលថ្មីៗនេះនៅផ្លូវទៅប្រទេសប៉ូឡូញពីអាមេរិក និងទៅស្លូវ៉ាគីពីអាល្លឺម៉ង់ និងហុល្លង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា ៖«ការកសាងកម្លាំងយោធានេះផ្ញើសារដែលមិនអាចយល់ច្រឡំបាន។ ការវាយប្រហារលើសម្ព័ន្ធមិត្តណាមួយនឹងត្រូវជួបជាមួយនឹងការឆ្លើយតបតាមការសម្រេចចិត្តពីសម្ព័ន្ធភាពទាំងមូល»។

លោក Stoltenberg និងប្រធានាធិបតីសហរដ្ឋអាមេរិក លោក ចូ បៃដិន បានអះអាងម្តងហើយម្តងទៀតថា ណាតូនឹងមិនជ្រៀតជ្រែកផ្ទាល់ក្នុងជម្លោះរុស្ស៊ី-អ៊ុយក្រែនឡើយ និងរហូតដល់ពេលនេះបានទប់ទល់នឹងការអំពាវនាវឲ្យមានតំបន់គ្មានការហោះហើរលើអ៊ុយក្រែន ដែលចំណាត់ការនេះនឹងបង្កឲ្យមានជម្លោះបើកចំហររវាងរុស្ស៊ី និងសម្ព័ន្ធមិត្ត។

ទោះជាយ៉ាងណា បុគ្គលទាំងពីរទទួចថា ការវាយប្រហារណាមួយលើទឹកដីណាតូនឹងនាំឲ្យមានការឆ្លើយតបដោយយោធាយ៉ាងធំសម្បើមវិញ។

លោក Stoltenberg បានពន្យល់ថា សម្ព័ន្ធភាពក៏ស្ថិតនៅលើមូលដ្ឋាននៃសង្គ្រាមឆ្ពោះទៅមុខដែរ។ រៀបរាប់ពីសន្តិសុខប្រាកដប្រជាថ្មីនៅអឺរ៉ុប» លោកបានប្រកាសថា រដ្ឋសមាជិក៣០របស់អង្គការណាតូ«នឹងដាក់ផែនការជាក់ស្តែងដើម្បីពង្រឹងសន្តិសុខរបស់ពួកយើងសម្រាប់រយៈពេលវែង នៅគ្រប់ផ្នែកទាំងអស់»។

ប្រមុខណាតូបាននិយាយថា ការពង្រឹងនេះពាក់ព័ន្ធនឹងការឈរជើងយ៉ាងសំខាន់ចំពោះកម្លាំងទ័ពនៅអឺរ៉ុបខាងកើត ជាមួយនឹងឧបករណ៍ទំនើបដែលមានទាំងមីស៊ីល និងកាំភ្លើងធំ ព្រមទាំងមានការធ្វើសមយុទ្ធច្រើន និងកាន់តែធំថែមទៀត៕

ប្រែសម្រួល៖ វីរបុត្រ
ប្រភព៖ RT

Related Topics:អង្គការណាតូ (NATO)