មីស៊ីលដែល កូរ៉េខាងជើង បាញ់ចុងក្រោយបំផុត មិនបានដូចបំណងទេ

ការបាញ់បង្ហោះមីស៊ីលចុងក្រោយបង្អស់របស់កូរ៉េខាងជើងត្រូវគេរាយការណ៍ថាបានបរាជ័យ ​ពោល​ជា​ការបាញ់សាកល្បង​លើក​ទី ១០ ហើយ ចាប់​តាំង​ពី​ដើម​ឆ្នាំ​ ២០២២ នេះមក ។

យោធាកូរ៉េខាងត្បូងនិយាយថា កូរ៉េខាងជើងបានបាញ់មីស៊ីលមួយគ្រាប់នៅម៉ោងប្រហែល ៩ និង ៣០ នាទីព្រឹកនេះពីទីក្រុង Sunan ជាយក្រុងនៃទីក្រុងព្យុងយ៉ាង ប៉ុន្តែ​មិន​យូរ​ប៉ុន្មាន​ក្រោយ​មកវា​ទំនង​ជា​បរាជ័យ​ និងបានធ្លាក់ ។

ទន្ទឹមនោះ ក្រសួង​ការពារជាតិ​ជប៉ុន​បាន​រាយការណ៍​ថា កាំជ្រួចមីស៊ីល​នេះ​ប្រហែលជា​មី​ស៊ី​ល​ផ្លោង ខណៈការ​បាញ់​បង្ហោះ​ ២ ​លើក​មុន​គឺ​ជា​កាំជ្រួច​មីស៊ីលផ្លោងអន្តរទ្វីប ICBM ។

បន្ទាប់ពីការបរាជ័យនេះ មេដឹកនាំគីម ជុងអ៊ុន បានត្រួតពិនិត្យទីតាំងបាញ់បង្ហោះផ្កាយរណបមួយនៅភាគពាយព្យរបស់ប្រទេស ហើយ​លោក​បាន​ណែនាំ​ឲ្យ​មន្ត្រី​ធ្វើ​ទំនើបកម្ម និង​ពង្រីក​បរិក្ខារ​របស់​ខ្លួនផងដែរ ។

នោះ​ហើយ​បានហេតុផល​ជំរុញ​ឲ្យ​អន្តរជាតិមានការ​ព្រួយ​បារម្ភ​ថា កូរ៉េខាងជើង​កំពុង​ត្រៀម​ខ្លួន​ដើម្បី​បាញ់​មីស៊ីល​ផ្លោង​រយៈ​ចម្ងាយ​ឆ្ងាយ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ប្រទេសអាស៊ីមួយផ្ដល់ជំនួយផ្នែកយោធាដល់ អ៊ុយក្រែន