អាមេរិក ផ្តល់អាវុធក្នុងទំហំទឹកប្រាក់ ១ពាន់លានដុល្លារ ទៅឲ្យ អ៊ុយក្រែន ដោយផ្ទាល់

សេតវិមាន​បាន​បញ្ជាក់​ថា ខ្លួន​នឹង​ផ្តល់​អាវុធគិតជាទំហំទឹកប្រាក់ ១ ពាន់​លាន​ដុល្លារអាមេរិក (៧៦៤ លាន​ផោន) ទៅឲ្យ​កង​កម្លាំង​អ៊ុយក្រែន ដោយផ្ទាល់។

លោក បៃដិន និយាយ​ថា ការ​បន្ត​គាំទ្រនេះ​គឺដើម្បីធ្វើឲ្យ​ប្រាកដ​ថា អ៊ុយក្រែន ​នឹង​មិន​អាចជា​ជ័យ​ជម្នះ​សម្រាប់​លោក ពូទីន បានទេ។

លោកកត់សម្គាល់ថា ជំនួយសន្តិសុខរបស់សហរដ្ឋអាមេរិកដល់អ៊ុយក្រែនកាលពីឆ្នាំមុនគឺមាន ៦៥០លានដុល្លារជាអាវុធនិង ៣៥០លានដុល្លារជាជំនួយបន្ថែម។

ជំនួយដែលបានប្រកាសថ្មីនេះរួមមាន យន្តហោះគ្មានមនុស្សបើក, ប្រព័ន្ធប្រឆាំងយន្តហោះ៨០០គ្រឿង និងប្រព័ន្ធប្រឆាំងគ្រឿងសឹកចំនួន ៩ ០០០គ្រឿង ព្រមទាំងកាំភ្លើងយន្ត កាំភ្លើងស្នប់ គ្រាប់បែកដៃ និងគ្រាប់រំសេវចំនួន២០លានគ្រាប់ផងដែរ។

ស្របពេលជាមួយគ្នានោះ លោក បៃដិន អះអាងថា សម្ព័ន្ធមិត្តនានាក៏បានបង្កើនការគាំទ្ររបស់ពួកគេ ក្នុងកម្រិតមិនធ្លាប់មានពីមុនមកផងដែរ៕

ប្រែសម្រួល៖ Vann Vann

ប្រភព៖ BBC

ចុចអាន៖ លេចចេញវីដេអូក្លែងក្លាយ លោក Zelensky អំពាវនាវ ឲ្យ ទាហាន អ៊ុយក្រែន ដាក់ អាវុធចុះ