រុស្ស៊ី ថា មន្ទីរពិសោធន៍ជីវសាស្ត្រ អ៊ុយក្រែន កំពុងគំរាមកំហែងដល់ អឺរ៉ុប ទាំងមូល (មានវីដេអូ)

ជាផ្នែកមួយនៃប្រតិបត្តិការពិសេសដែលបានបើកដំណើរការក្នុងប្រទេសអ៊ុយក្រែនកាលពីថ្ងៃទី ២៤ ខែកុម្ភៈ កងកម្លាំងប្រដាប់អាវុធរុស្ស៊ីបានរកឃើញមន្ទីរពិសោធន៍ជីវសាស្ត្រចំនួន ៣០ នៅក្នុងប្រទេសអ៊ុយក្រែន ។

ទន្ទឹមនោះ មន្ទីរពិសោធន៍នៅក្នុងទឹកដីអ៊ុយក្រែននេះ គឺបំពេញតាមបញ្ជាពីក្រសួងការពារជាតិអាមេរិក ហើយអាចពាក់ព័ន្ធនឹងការផលិតអាវុធជីវសាស្ត្រដែលអាចបង្កគ្រោះថ្នាក់ដល់អ៊ុយក្រែន និងរុស្ស៊ី ។

ពាក់ព័ន្ធនឹងបញ្ហានេះដែរលោក Aleksey Polishchuk ប្រធាននាយកដ្ឋាន CIS ទីពីររបស់ក្រសួងការបរទេសរុស្ស៊ីបានប្រាប់សារព័ត៌មាន Sputnik ថា មន្ទីរពិសោធន៍ជីវសាស្ត្រក្នុងប្រទេសអ៊ុយក្រែនបង្កគ្រោះថ្នាក់មិនត្រឹមតែដល់រុស្ស៊ីប៉ុណ្ណោះទេ ប៉ុន្តែគឺអឺរ៉ុបទាំងមូលតែម្ដង ។

លោក Polishchuk បានបន្ថែមថា “ចំណែកគោលបំណងនៃប្រតិបត្តិការរបស់រុស្ស៊ីនៅអ៊ុយក្រែន ក៏ដូចជានៅទីតាំងផ្សេងៗគឺដើម្បីតែបញ្ឈប់ការគំរាមកំហែងដែលបង្កឡើងដោយមន្ទីរពិសោធន៍ជីវសាស្ត្រមួយនេះប៉ុណ្ណោះ” ។

គួររំឭកថា កាលពីសប្តាហ៍មុន ក្រសួងការពារជាតិរុស្ស៊ីបានបង្ហាញការរកឃើញថ្មី បន្ទាប់ពីការវិភាគឯកសារដែលទទួលបានពីអ្នកជំនាញមកពីមន្ទីរពិសោធន៍ជីវសាស្ត្រអ៊ុយក្រែន ។

យោងតាមព័ត៌មាននេះ ទីក្រុងវ៉ាស៊ីនតោនបានចំណាយប្រាក់ជាង ២០០ លានដុល្លារដើម្បីសិក្សាពីភ្នាក់ងារបង្ករោគរបស់សត្វស្លាប សត្វប្រចៀវ និងសត្វល្មូនក្នុងប្រទេសអ៊ុយក្រែន ក៏ដូចជាលទ្ធភាពនៃការចម្លងជំងឺប៉េស្តជ្រូកអាហ្រ្វិក និងប្រភេទជំងឺផ្សេងៗតាមរយៈសត្វទាំងនេះ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ រុស្ស៊ី​ លេងវិញហើយ ដាក់ទណ្ឌកម្មទៅ ចូ បៃដិន និងមន្ត្រីកំពូលៗផ្សេងទៀត មិនឲ្យជាន់ទឹកដីខ្លួន