ចិននិយាយថា ទណ្ឌកម្មលើរុស្ស៊ី នឹងប៉ះពាល់ដល់ប្រទេសកំពុងអភិវឌ្ឍន៍

តំណាងទីក្រុងប៉េកាំង ប្រចាំអង្គការសហប្រជាជាតិ បាននិយាយថា ការប្រើប្រាស់ទណ្ឌកម្មប្រឆាំងនឹងរុស្ស៊ី អំឡុងពេលនៃការស្ទុះងើបឡើងវិញនៃសេដ្ឋកិច្ចពិភពលោក គឺជាកំហុសមួយ។

លោក Zhang Jun បានប្រាប់ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃព្រហស្បតិ៍ទី១៧ខែមីនាថា “ការពិតបានបង្ហាញឲ្យឃើញថា ការប្រើប្រាស់ទណ្ឌកម្មបែបនេះ នឹងមិនដោះស្រាយបញ្ហាណាមួយបានឡើយ ផ្ទុយទៅវិញវានឹងបង្កើតជាបញ្ហាថ្មីៗ”។

ស្របពេលជាមួយគ្នានោះ លោក Zhang បានព្រមានថា វិធានការដែលប្រទេសលោកខាងលិចជាច្រើនកំពុងបន្តធ្វើកាន់តែខ្លាំងឡើង នឹងធ្វើឲ្យវិបត្តិអាហារ និងថាមពលកាន់តែធ្ងន់ធ្ងរទៅៗ និងធ្វើឲ្យខូចដល់ជីវភាពរស់នៅ ជាពិសេសនៅក្នុងប្រទេសកំពុងអភិវឌ្ឍន៍។

លោកក៏បានរំលឹកឡើងវិញទៅកាន់ប្រទេសជាសមាជិកអង្គការសហប្រជាជាតិផ្សេងទៀតផងដែរថា ប្រទេសចិនសូមចែករំលែកគោលដៅរបស់សហគមន៍អន្តរជាតិ សម្រាប់បទឈប់បាញ់នៅអ៊ុយក្រែន។

យើងក៏សង្ឃឹមដែរថា ភាគីទាំងអស់នឹងធ្វើបន្ថែមទៀត ដើម្បីជួយសម្រួលដល់ការចរចាសន្តិភាព និងមិនចាក់សាំងលើភ្លើង៕

ប្រែសម្រួល៖ Vann Vann

ប្រភព៖ BBC

ចុចអាន៖ អាមេរិក ផ្តល់អាវុធក្នុងទំហំទឹកប្រាក់ ១ពាន់លានដុល្លារ ទៅឲ្យ អ៊ុយក្រែន ដោយផ្ទាល់