ឡានក្រុងដឹកជនភៀសខ្លួនរត់គេចសង្គ្រាមអ៊ុយក្រែន ក្រឡាប់នៅ លីទុយអានី

ឡានក្រុង​ដឹក​ស្ត្រី​និង​កុមារ​ចំនួន៥៣នាក់​ ដែល​រត់​គេច​ពីសង្គ្រាម​បាន​ក្រឡាប់​នៅ​ជិតទី​ក្រុង Pasvalys ក្នុង​ប្រទេស​ លីទុយអានី។

ឡានក្រុងមួយគ្រឿងនេះ កំពុងធ្វើដំណើរព្រំដែនប៉ូឡូញ-អ៊ុយក្រែន ទៅកាន់ប្រទេសហ្វាំងឡង់ នៅពេលដែលអ្នកបើកបរបាត់បង់ការគ្រប់គ្រង នៅម៉ោងប្រហែល ០៦:០០ ព្រឹក​ (ម៉ោងក្នុងស្រុក)។ នេះបើយោងតាមប៉ុស្តិ៍ទូរទស្សន៍ជាតិលីទុយអានី LRT។

តាមសេចក្តីរាយការណ៍ មនុស្សប្រហែល ១០នាក់ រួមទាំងកុមារផងដែរបានរងរបួស។ ពួកគេត្រូវបានបញ្ជូនទៅមន្ទីរពេទ្យក្បែរនោះ។ អ្នក​ដំណើរ​ដែល​នៅ​សេសសល់ ​ត្រូវ​បាន​គេ​នាំ​ទៅ​កាន់​មជ្ឈមណ្ឌល​វប្បធម៌ Salociai។

នេះគឺ​ជា​ឧបទ្ទវហេតុ​ទី​ពីរហើយ ​ដែលកើតឡើងលើ​ជនជាតិ​អ៊ុយក្រែន ខណៈព្យាយាម​គេច​ពី​សង្រ្គាម។ កាលពីថ្ងៃទី១៣ខែមីនា ឡានក្រុងមួយគ្រឿងទៀត បានជួបគ្រោះថ្នាក់នៅក្នុងប្រទេសអ៊ីតាលី ហើយជាលទ្ធផល អ្នកដំណើរម្នាក់ក្នុងចំណោម៥០នាក់ មកពីអ៊ុយក្រែនបានបាត់បង់ជីវិត។

គួរបញ្ជាក់ថា  គិតត្រឹម​ពេល​នេះ ​ចំនួន​មនុស្ស​ដែល​​ចាក​ចេញ​ពីប្រទេស​អ៊ុយក្រែន ​កើន​លើស​​បី​លាន​នាក់​ហើយ៕

ប្រែសម្រួល៖ Vann Vann

ប្រភព៖ BBC

ចុចអាន៖ លើកនេះ Putin ចេញមុខផ្ទាល់ ដាក់ការទាមទារច្បាស់ៗ បើអ៊ុយក្រែនធ្វើបាន សង្គ្រាមនឹងចប់