អតីតអភិបាលក្រុងអ៊ុយក្រែន ដែលទើបដោះលែង រៀបរាប់រឿងរ៉ាវពេលជាប់ក្នុងការឃុំឃាំង

អតីតអភិបាលក្រុង Melitopol បាននិយាយរៀបរាប់អំពីការចាប់ជំរិត និងការឃុំខ្លួនដោយកងកម្លាំងរុស្ស៊ី។

លោក Ivan Federov បានដឹកនាំទីក្រុងភាគអាគ្នេយ៍មួយនេះ រហូតដល់វាស្ថិតនៅក្រោមការគ្រប់គ្រងរបស់រុស្ស៊ី បន្ទាប់ពីការចូលលុកលុយ ហើយគាត់ត្រូវបានគេចាប់ពង្រត់កាលពីប្រាំមួយថ្ងៃមុន។

គាត់ត្រូវបានដោះលែងវិញកាលពីថ្ងៃពុធទី១៦ខែមីនា បន្ទាប់ពីអ៊ុយក្រែននិយាយថា ខ្លួនបានយល់ព្រមដោះដូរទាហានរុស្ស៊ីចំនួន ៩នាក់ដែលត្រូវបានចាប់ខ្លួន ជាថ្នូរជាមួយគាត់។

ថ្លែងទៅកាន់ Audrey Brown របស់ BBC, លោក Federov និយាយថា ទាហានរុស្ស៊ីបានចាប់គាត់ចេញពីការិយាល័យ ដោយគ្មាននិយាយមួយម៉ាត់ ហើយគាត់មិនមានទំនាក់ទំនងជាមួយពិភពខាងក្រៅទេ ខណៈពេលជាប់ក្នុងការឃុំឃាំង។

គាត់​​និយាយ​ថា គាត់​ត្រូវ​បាន​គេ​ទុក​ក្នុង​បន្ទប់​តូច​មួយ​ជាមួយ​ទាហាន​ប្រដាប់​អាវុធ ប៉ុន្តែ​មិនមានការធ្វើបាប​ដល់​រាង​កាយ​ឡើយ៕

ប្រែសម្រួល៖ Vann Vann

ប្រភព៖ BBC

ចុចអាន៖ ឡានក្រុងដឹកជនភៀសខ្លួនរត់គេចសង្គ្រាមអ៊ុយក្រែន ក្រឡាប់នៅ លីទុយអានី