ព័ត៌មានអន្ដរជាតិ

ជនភៀសខ្លួនជាង៣.២៥លាននាក់ហើយចាកចេញពីសង្គ្រាមអ៊ុយក្រែន

បានផុស

៣ years មុន

នៅ

ថ្ងៃសៅរ៍ ១៩ មីនា ២០២២

ដោយ

អង្គការសហប្រជាជាតិ (UN) បាននិយាយនៅថ្ងៃសុក្រថា ជនភៀសខ្លួនជាង៣.២៥លាននាក់បានចាកចេញពីប្រទេសអ៊ុយក្រែនគិតចាប់តាំងពីសង្គ្រាមបានផ្ទុះឡើង ខណៈជិត២លាននាក់បានឆ្លងកាត់ព្រំដែនប៉ូឡូញ។

ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន (UNHCR) បាននិយាយថា មនុស្ស ៣ ២៧០ ៦៦២នាក់បានភៀសខ្លួនចាប់តាំងពីសង្គ្រាមបានចាប់ផ្តើមថ្ងៃទី២៤ ខែកុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យ UNHCR លោក Matthew Saltmarsh បាននិយាយថា ៖«យើងខ្ញុំមើលឃើញជាទូទៅថយចុះនៅក្នុងលំហូរចាប់ពីពេលវេលានៃជម្លោះបានផ្ទុះឡើងពីដំបូង»។

សម្រាប់ប្រជាជនស្ថិតនៅប្រទេសអ៊ុយក្រែន ប៉ុន្តែបានចាកចេញពីផ្ទះសម្បែងរបស់ពួកគេ លោកបាននិយាយថា ៖«វាមានសុវត្ថិភាពដើម្បីសន្និដ្ឋានថា ចំនួនមានជាង២លាននាក់»។

ទោះបីជាយ៉ាងណា «ល្បឿន និងទំហំនៃការផ្លាស់ទីខាងក្នុង និងភៀសខ្លួនចេញពីអ៊ុយក្រែន ព្រមទាំងមកពីតម្រូវការមនុស្សធម៌នឹងកើនឡើងតែម្យ៉ាង ប្រសិនបើស្ថានភាពកាន់តែអាក្រក់»។

អ្នកនាំពាក្យបានបន្ថែមថា ប្រហែលជា៩០%នៃអ្នកដែលបានភៀសខ្លួនទាំងនោះគឺជាស្ត្រី និងកុមារ។ បុរសអ៊ុយក្រែនអាយុ១៨ដល់៦០ឆ្នាំមានសិទ្ធិធ្វើទាហានត្រូវបានកោះហៅ និងមិនអាចចាកចេញបានទេ។

អង្គការអន្តរជាតិសម្រាប់ជនភៀសខ្លួនរបស់ UN បាននិយាយថា គិតត្រឹមថ្ងៃពុធ ជនជាតិទី៣ចំនួន ១៦២ ០០០នាក់បានភៀសខ្លួនពីប្រទេស។