អ៊ុយក្រែន សារភាពថា ខ្លួនលែងមានសិទ្ធិចូលទៅកាន់សមុទ្រ Azov

ក្រសួងការពារជាតិ អ៊ុយក្រែន បានសារភាពថា ខ្លួនលែងមានសិទ្ធិចូលទៅកាន់សមុទ្រ Azov ដែលមានទីតាំងនៅភាគអាគ្នេយ៍នៃប្រទេស ដោយសារប្រតិបត្តិការយោធាពិសេសរបស់រុស្ស៊ី។

យោងតាមប្រភពពីសារព័ត៌មាន i24news បានឱ្យដឹងថា ក្រសួងការពារជាតិអ៊ុយក្រែនបានប្រកាស កាលពីថ្ងៃទី១៨ ខែមីនា ថា កងកម្លាំងអ៊ុយក្រែនបានបាត់បង់សិទ្ធិចូលទៅកាន់សមុទ្រ Azov ជាបណ្តោះអាសន្ន ដោយសារប្រតិបត្តិការយោធារបស់កងកម្លាំងប្រដាប់អាវុធរុស្ស៊ី។ មិនតែប៉ុណ្ណោះ អ៊ុយក្រែនថែមទាំងទទួលស្គាល់ថា សត្រូវរបស់ខ្លួនបានទទួលជោគជ័យមួយផ្នែកនៅក្នុងសមរភូមិនៅ Donetsk ខណៈសមុទ្រ Azov ត្រូវបានដោយរុស្ស៊ីកាន់កាប់ហើយ។

ប្រភពបន្តថា បន្ចាប់តាំងពីថ្ងៃដំបូងនៃប្រតិបត្តិការយោធានៅថ្ងៃទី២៤ ខែកុម្ភៈ រុស្ស៊ីបាននិងកំពុងកំណត់គោលដៅទីក្រុងឆ្នេរសមុទ្រនៃប្រទេសអ៊ុយក្រែន ដើម្បីកាត់ផ្តាច់ការចូលប្រើប្រាស់ដែនទឹករបស់ប្រទេសនេះ។ បច្ចុប្បន្នទីក្រុងម៉ូស្គូកំពុងរឹតបន្តឹងការឡោមព័ទ្ធជុំវិញទីក្រុងយុទ្ធសាស្ត្រនេះ។ ប្រសិនបើរុស្ស៊ីទទួលបានការគ្រប់គ្រងលើ Mariupol និងតំបន់ជុំវិញនោះ រុស្ស៊ីនឹងទទួលបានការគ្រប់គ្រងលើសមុទ្រ Azov ពេញលេញ ជាពិសេសដែនសមុទ្រអ៊ុយក្រែនតែម្ដង៕

ប្រែសម្រួល៖ សន្យា

ចុចអាន៖ រុស្ស៊ី អះអាងថា បានបាញ់មីស៊ីលលឿនជាងសំឡេង កម្ទេចឃ្លាំងអាវុធនៅ អ៊ុយក្រែន