សមយុទ្ធ ណាតូ ភ្លាត់ស្នៀតធ្វើឲ្យកងម៉ារីន អាមេរិក ស្លាប់

យន្តហោះដឹកជញ្ជូន Osprey ដែលជាកម្មសិទ្ធិរបស់កងម៉ារីនអាមេរិកបានធ្លាក់អំឡុងពេលសមយុទ្ធយោធារបស់ណាតូនៅប្រទេសន័រវេស ដោយបណ្ដាលឲ្យសមាជិកនាវិក ៤ នាក់នៅលើយន្តហោះបានស្លាប់ ។

ប្រព័ន្ធផ្សព្វផ្សាយក្នុងស្រុករាយការណ៍ថា យន្តហោះ MV-22 Osprey បានបាត់កាលពីថ្ងៃសុក្រ ហើយក្រោយមកត្រូវបានគេរកឃើញថាធ្លាក់ ។

ទន្ទឹមនោះនាយករដ្ឋមន្រ្តីន័រវេសលោក Jonas Gahr Store បានបង្ហោះនៅលើបណ្ដាញ Twitter កាលពីថ្ងៃសៅរ៍ថា បុគ្គលិកអាមេរិក ៤ នាក់បានស្លាប់នៅក្នុងការធ្លាក់យន្តហោះកាលពីយប់ថ្ងៃសុក្រ ។

ចំណែកកាលៈទេសៈ និង​មូលហេតុ​នៃ​គ្រោះថ្នាក់​នេះ​នៅ​មិនទាន់​ដឹង​នៅឡើយ​ទេ​ ។ ប៉ុន្តែអាកាសធាតុត្រូវបានគេរាយការណ៍ថាអាក្រក់នៅពេលនោះ ។

គួរបញ្ជាក់ថា សមយុទ្ធណាតូនៅទូទាំងប្រទេសន័រវេសគ្រោងនឹងបន្តរហូតដល់ខែមេសា ខណៈមានមនុស្សប្រហែល ៣០,០០០ នាក់មកពី ២៧ ប្រទេសកំពុងចូលរួម ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ទាហានស៊ីឈ្នួល អង់គ្លេស ចេញពី អ៊ុយក្រែន ក្រោយបម្រើការបានត្រឹម ៩ ម៉ោង