ដឹងទេមុនមក កម្ពុជា ល្ងាចនេះ តើនាយករដ្ឋមន្ត្រី ជប៉ុន បំពេញទស្សនកិច្ច នៅប្រទេសណា?

នាយក​រដ្ឋមន្ត្រី​ជប៉ុនលោក Kishida Fumio នឹងធ្វើ​ដំណើរ​មកព្រះរាជាណាចក្រ​កម្ពុជា ​បន្ទាប់​ពី​បំពេញ​ទស្សនកិច្ច​នៅ​ប្រទេស​ឥណ្ឌា ។

លោក Kishida បានជួបនាយករដ្ឋមន្ត្រីឥណ្ឌាលោក Narendra Modi កាលពីថ្ងៃសៅរ៍ ខណៈនាយក​រដ្ឋមន្ត្រី​ជប៉ុន​គ្រោង​នឹង​មក​ដល់​កម្ពុជា​នៅ​រសៀល​ថ្ងៃ​អាទិត្យនេះ ។

ខណៈពេលដែលនៅក្នុងប្រទេសឥណ្ឌា លោក Kishida បានព្រមព្រៀងគ្នាជាមួយលោក Modi ថា ការប៉ុនប៉ងឯកតោភាគីដើម្បីផ្លាស់ប្តូរស្ថានភាពបច្ចុប្បន្នដោយកម្លាំងគឺមិនអាចទទួលយកបានទេនៅក្នុងតំបន់ណាមួយ ។

ជាចុងក្រោយមេដឹកនាំទាំងពីរ​បាន​បញ្ជាក់​ថា ចាំបាច់​ត្រូវ​ស្វែងរក​ដំណោះស្រាយ​ដោយ​សន្តិវិធី​ដោយផ្អែកលើ​ច្បាប់​អន្តរជាតិ ៕

ប្រែសម្រួលដោយ ៖ ជីវ័ន្ត

ប្រភព ៖ NHK