ចិន អះអាងជាថ្មី៖ ទីក្រុងប៉េកាំង នឹងមិនបញ្ជូនអាវុធទៅឲ្យ រុស្ស៊ី ទេ (មានវីដេអូ)

ឯកអគ្គរដ្ឋទូតចិនប្រចាំនៅសហរដ្ឋអាមេរិកនិយាយថា ប្រទេសចិន នឹងមិនបញ្ជូនអាវុធ និងគ្រាប់រំសេវទៅគាំទ្រសង្គ្រាមរបស់រុស្ស៊ីនៅអ៊ុយក្រែនឡើយ ហើយថា ទីក្រុងប៉េកាំងនឹងធ្វើអ្វីគ្រប់យ៉ាងដើម្បីកាត់បន្ថយវិបត្តិ។

ការអត្ថាធិប្បាយរបស់លោក Qin Gang ធ្វើឡើង បន្ទាប់ពីប្រធានាធិបតីអាមេរិកលោក Joe Biden បានព្រមានសមភាគីចិនលោក Xi Jinping កាលពីថ្ងៃសុក្រទី១៨ខែមីនាថា នឹងមានផលវិបាក ប្រសិនបើទីក្រុងប៉េកាំងផ្តល់ជំនួយជាសម្ភារៈដល់ទីក្រុងមូស្គូ។

កាលពីសប្តាហ៍មុន ទីក្រុងប៉េកាំងបានបដិសេធរបាយការណ៍ដែលថា ខ្លួនបើកចំហក្នុងការផ្តល់អាវុធដល់ទីក្រុងមូស្គូថាជា “ព័ត៌មានមិនពិត” ប៉ុន្តែប្រទេសចិន បានស្ទាក់ស្ទើរក្នុងការស្តីបន្ទោសរុស្ស៊ីចំពោះការលុកលុយនៅអ៊ុយក្រែន។

ថ្លែងទៅកាន់ទូរទស្សន៍ CBS របស់សហរដ្ឋអាមេរិក លោក Gang បានបញ្ជាក់ថា ការថ្កោលទោសជាសាធារណៈដោយលោកខាងលិច “មិនបានជួយអ្វីទេ” ហើយថា “ផ្នែកការទូត” គឺចាំបាច់ជាទីបំផុត៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ទណ្ឌកម្មចាប់ផ្តើមប៉ះពាល់ ប្រជាជនរុស្ស៊ី សម្រុកទៅផ្សារ ដណ្តើមគ្នាទិញទំនិញស្តុកទុក