នាវាចម្បាំងអង្គការ ណាតូ ១៣ គ្រឿងធ្វើដំណើរទៅកាន់ទីក្រុង Stockholm

កាសែត Aftonbladet របស់ស៊ុយអែតរាយការណ៍ថា នាវាចម្បាំងចំនួន ១៣ គ្រឿងមកពីប្រទេសជាច្រើនរបស់អង្គការណាតូកំពុងធ្វើដំណើរទៅកាន់រដ្ឋធានី Stockholm បន្ទាប់ពីការធ្វើសមយុទ្ធយោធានៅប្រទេសន័រវែស ។

ដោយដកស្រង់សម្ដីពីយោធាស៊ុយអែត, កាសែត Aftonbladet បាននិយាយកាលពីថ្ងៃអាទិត្យថា នាវាចម្បាំងទាំងនោះរួមមាន នាវាអាល្លឺម៉ង់ចំនួន ៩ គ្រឿង និងនាវាចំនួន ៤ គ្រឿងមកពីប្រទេសបាល់ទិកដែលកំពុងធ្វើដំណើរទៅកាន់កំពង់ផែ Frihamnen បន្ទាប់ពីសមយុទ្ធនេះ ។

យោងតាម ​​Aftonbladet បានឲ្យដឹងទៀតថា ការធ្វើដំណើររបស់នាវាទាំងនោះមិនមានការជាប់ទាក់ទងនឹងស្ថានភាពសង្គ្រាមនៅអ៊ុយក្រែននោះទេ ។

ទន្ទឹមនោះ អគ្គលេខាធិការអង្គការណាតូលោក Jens Stoltenberg បាននិយាយកាលពីថ្ងៃអាទិត្យថា ប៉ុន្តែទោះជាយ៉ាងណា រដ្ឋជាសមាជិកក៏កំពុងបង្កើនការគាំទ្ររបស់ពួកគេចំពោះអ៊ុយក្រែនផងដែរ ។

កាលពីចុងខែមុ រុស្ស៊ីបានចាប់ផ្តើមប្រតិបត្តិការយោធាពិសេសមួយក្នុងប្រទេសអ៊ុយក្រែន បន្ទាប់ពីសាធារណៈរដ្ឋប្រជាមានិត Donetsk (DPR) និងសាធារណៈរដ្ឋប្រជាមានិត Luhansk (LPR) បានអំពាវនាវរកជំនួយក្នុងការការពារខ្លួនប្រឆាំងនឹងកងកម្លាំងទីក្រុងកៀវ ។

រុស្សីបាននិយាយថា គោលបំណងនៃប្រតិបត្តិការពិសេសរបស់ខ្លួនគឺដើម្បីរំសាយកងទ័ពអ៊ុយក្រែន ហើយថា មានតែហេដ្ឋារចនាសម្ព័ន្ធយោធាប៉ុណ្ណោះដែលត្រូវបានតម្រង់គោលដៅ ពោលគឺប្រជាជនស៊ីវិលមិនស្ថិតក្នុងគ្រោះថ្នាក់នោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ សមយុទ្ធ ណាតូ ភ្លាត់ស្នៀតធ្វើឲ្យកងម៉ារីន អាមេរិក ស្លាប់