ព័ត៌មានអន្ដរជាតិ
ឡើងកម្តៅ! អឺរ៉ុប បង្កើតកងកម្លាំងប្រតិកម្មរហ័ស មានទាហានរហូតដល់ ៥ ០០០ នាក់ (មានវីដេអូ)
បណ្តារដ្ឋមន្ត្រីការបរទេស និងការពារជាតិរបស់សហភាពអឺរ៉ុប (EU) កាលពីថ្ងៃចន្ទទី២១ខែមីនា បានយល់ព្រមលើយុទ្ធសាស្ត្រសន្តិសុខ ដែលសំដៅជំរុញភាពខ្លាំងខាងយោធារបស់ប្លុកនេះ នៅពេលសង្រ្គាមបានវិលត្រលប់មកអឺរ៉ុបវិញ។
រដ្ឋមន្ត្រីទាំងអស់បានឯកភាពគ្នា បង្កើតកម្លាំងប្រតិកម្មរហ័ស ដោយកងទ័ពរហូតដល់ ៥ ០០០នាក់ នឹងត្រូវបានដាក់ពង្រាយយ៉ាងឆាប់រហ័ស ក្នុងអំឡុងពេលមានវិបត្តិ។
ប្រធានគោលនយោបាយការបរទេស EU លោក Josep Borrell បាននិយាយនៅក្នុងសេចក្តីថ្លែងការណ៍មួយថា “ការគំរាមកំហែងកំពុងកើនឡើង ហើយតម្លៃនៃភាពអសកម្មគឺច្បាស់លាស់”។
ការងារលើយុទ្ធសាស្ត្រនេះ បានចាប់ផ្តើមនៅឆ្នាំ២០២០, មុនពេលមានជំងឺរាតត្បាតរាតត្បាត, មុនអាមេរិកដកទ័ពចេញពីអាហ្វហ្គានីស្ថាន និងមុនសង្រ្គាមអ៊ុយក្រែន។ បន្ទាប់ពីការវាយលុក របស់រុស្ស៊ីលើអ៊ុយក្រែនបានកើតឡើងនៅថ្ងៃទី២៤ខែកុម្ភៈ EU ក៏បានពង្រឹងជំហររបស់ខ្លួនលើទីក្រុងមូស្គូ។
ប្លុកនេះបាននិយាយនៅក្នុងសេចក្តីថ្លែងការណ៍មួយថា “EU ត្រូវតែអាចការពារប្រជាពលរដ្ឋរបស់ខ្លួន និងដើម្បីរួមចំណែកដល់សន្តិភាព និងសន្តិសុខអន្តរជាតិ។ រឿងនេះគឺកាន់តែសំខាន់ នៅពេលសង្រ្គាមបានវិលត្រលប់មកអឺរ៉ុបជាថ្មី បន្ទាប់ពីការវាយលុកដោយអយុត្តិធម៌ និងគ្មានហេតុផលរបស់រុស្ស៊ីប្រឆាំងអ៊ុយក្រែន ក៏ដូចជាការផ្លាស់ប្តូរភូមិសាស្ត្រនយោបាយសំខាន់ៗផងដែរ”។
រដ្ឋមន្ត្រីក្រសួងការពារជាតិអាល្លឺម៉ង់លោកស្រី Christine Lambrecht បាននិយាយនៅក្នុងទីក្រុងព្រុចសែលថា ទីក្រុង បែរឡាំង បានត្រៀមខ្លួនរួចជាស្រេចក្នុងការផ្តល់នូវស្នូលនៃកម្លាំងប្រតិកម្មរហ័សថ្មីរបស់ EU នៅឆ្នាំ២០២៥ ដែលជាឆ្នាំ ខ្លួនមានបំណងក្លាយជាប្រតិបត្តិការពេញលេញ។
កម្លាំងនេះនឹងជំនួសក្រុមសមរភូមិដែល EU មានតាំងពីឆ្នាំ២០០៧មក ប៉ុន្តែមិនដែលប្រើទេ។ ផែនការសម្រាប់ការជួសជុលឡើងវិញនេះ បានទទួលការចាប់អារម្មណ៍បន្ទាប់ពីបណ្តាប្រទេសនៅអឺរ៉ុប ជួបផលលំបាកក្នុងការដោះស្រាយជាមួយការដកទ័ពចេញពីទីក្រុងកាប៊ុលក្នុងខែសីហាឆ្នាំមុន៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Reuters
ចុចអាន៖ លោក Zelensky៖ អ៊ុយក្រែន នឹងមិនឱនក្បាល ចំពោះឱសានវាទរបស់ រុស្ស៊ី ឡើយ
គណៈរដ្ឋមន្ត្រីថៃអនុម័ត បុណ្យបណ្តែតកន្ទោង ក្នុងបញ្ជីភណ្ឌវប្បធម៌អរូបីរបស់យូណេស្កូ
មីយ៉ាន់ម៉ាសុខចិត្តដោះលែងអ្នកទោសនេសាទថៃ៤នាក់ ក្រោយសម្របសម្រួលជិតកន្លះឆ្នាំ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៧ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?