ព័ត៌មានអន្ដរជាតិ

លោក Zelensky បញ្ជាក់ជាថ្មី អ៊ុយក្រែន មិនស្វែងរកសមាជិភាពណាតូ និងត្រៀមចរចាជាមួយ ពូទីន (មានវីដេអូ)

បានផុស

៣ years មុន

នៅ

ថ្ងៃអង្គារ ២២ មីនា ២០២២

ដោយ

ប្រធានាធិបតីអ៊ុយក្រែនបាននិយាយថា លោកត្រៀមខ្លួនរួចជាស្រេចដើម្បីពិភាក្សាពីការប្តេជ្ញាចិត្តរបស់អ៊ុយក្រែនមិនស្វែងរកសមាជិកភាពណាតូជាថ្នូរនឹងបទឈប់បាញ់ ការដកទ័ពរុស្ស៊ី និងការធានាសន្តិសុខរបស់អ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Volodymyr Zelensky បាននិយាយនៅក្នុងបទសម្ភាសជាមួយទូរទស្សន៍អ៊ុយក្រែនកាលពីល្ងាចថ្ងៃចន្ទថា “វាជាការសម្របសម្រួលសម្រាប់មនុស្សគ្រប់គ្នា សម្រាប់លោកខាងលិច ដែលមិនដឹងថាត្រូវធ្វើអ្វីជាមួយយើងទាក់ទងនឹងអង្គការណាតូ សម្រាប់អ៊ុយក្រែនដែលចង់បានការធានាសន្តិសុខ និងសម្រាប់ប្រទេសរុស្ស៊ីដែលមិនចង់ឲ្យមានការពង្រីករបស់អង្គការណាតូបន្ថែមទៀត” ។

លោក Zelensky បាននិយាយថា ទីក្រុងកៀវនឹងត្រៀមខ្លួនជាស្រេចដើម្បីពិភាក្សាអំពីស្ថានភាពនៅតំបន់ Crimea និងតំបន់ Donbas ភាគខាងកើតដែលកាន់កាប់ដោយពួកបំបែកខ្លួនដែលគាំទ្រដោយរុស្ស៊ី បន្ទាប់ពីបទឈប់បាញ់ និងជំហានឆ្ពោះទៅរកការផ្តល់ការធានាសន្តិសុខ ។

ជាចុងក្រោយលោក Zelenskyy ក៏បានអំពាវនាវម្ដងទៀតដែរថា ការចរចាដោយផ្ទាល់ជាមួយលោក វ្ល៉ាឌីមៀ ពូទីន គឺជាការចាំបាច់ដើម្បីយល់ពីជំហររបស់ទីក្រុងមូស្គូក្នុងការបញ្ចប់សង្គ្រាម ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ លោក Zelensky ៖ អ៊ុយក្រែន នឹងមិនឱនក្បាល ចំពោះឱសានវាទរបស់ រុស្ស៊ី ឡើយ