អ៊ុយក្រែនអះអាងថា រុស្ស៊ី នៅសល់គ្រាប់ បាញ់បានតែ ៣ថ្ងៃទៀតប៉ុណ្ណោះ

ក្រសួងការពារជាតិអ៊ុយក្រែន បានអះអាងក្នុងព័ត៌មានបច្ចុប្បន្នភាពស្ថានការណ៍ប្រចាំថ្ងៃរបស់ខ្លួននៅថ្ងៃអង្គារទី២២ខែមីនានេះថា កងកម្លាំងរុស្ស៊ីដែលកំពុងធ្វើប្រតិបត្តិការ វាយលុកក្នុងទឹកដីអ៊ុយក្រែន គឺនៅសល់អាហារ និងគ្រាប់កាំភ្លើងមិនលើសពីបីថ្ងៃទៀតនោះទេ។

របាយការណ៍បានកត់សម្គាល់ថា កងកម្លាំងរុស្ស៊ីក៏កំពុងប្រឈមមុខនឹងបញ្ហាប្រេងឥន្ធនៈ ដែលពួកគេព្យាយាមដោះស្រាយដោយប្រើរថយន្តដឹកប្រេងផងដែរ។

ការប្រើប្រាស់រថយន្តដឹកប្រេងដែលងាយរងគ្រោះរបស់រុស្ស៊ី ត្រូវបានគេសន្មតថា គឺដោយសារតែភាពអសមត្ថភាពក្នុងការបង្កើតបំពង់បង្ហូរប្រេងសម្រាប់ការចែកចាយប្រេង។ នេះបើយោងតាមការធ្វើបច្ចុប្បន្នភាពរបស់ប្រទេស អ៊ុយក្រែន។

អ្នកជំនាញជាច្រើនបានព្រមានថា រុស្ស៊ីអាចប្រឈមមុខនឹងការខាតបង់ចំនួនទាហាន និងគ្រឿងបរិក្ខារធ្ងន់ធ្ងរនៅក្នុងប្រទេសអ៊ុយក្រែន ដែលអាចបង្ខំឲ្យការលុកលុយត្រូវជាប់គាំង៕

ប្រែសម្រួល៖ Vann Vann

ប្រភព៖ Forbes

ចុចអាន៖ លើកនេះ លោក Zelensky ថ្លែងសុន្ទរកថា ទៅកាន់សភារបស់ប្រទេសអាស៊ី វិញម្តង