ព័ត៌មានអន្ដរជាតិ
ដបវ៉ាក់សាំងកូវីដដែលចាក់ឲ្យមនុស្សដំបូងគេលើលោកនឹងយកទៅដាក់នៅសារមន្ទីរវិទ្យាសាស្រ្ត
ដបនិងសឺរ៉ាំងនៃការចាក់វ៉ាក់សាំងកូវីដលើកដំបូងបង្អស់នឹងត្រូវបានដាក់បង្ហាញនៅឆ្នាំក្រោយក្នុងសារមន្ទីរវិទ្យាសាស្ត្រ។
កាលពីថ្ងៃទី៨ខែធ្នូ លោកយាយអាយុ៩០ឆ្នាំនៅទីក្រុង Coventry បានក្លាយជាមនុស្សដំបូងគេលើពិភពលោកដែលបានទទួលវ៉ាក់សាំងការពារជំងឺកូវីដ១៩នៅក្រៅការធ្វើតេស្ត។
ពិភពលោកបានផ្តោតការយកចិត្តទុកដាក់លើលោកយាយ Margaret Keenan នៅពេលគាត់ទទួលបានការចាក់ថ្នាំនៅម៉ោង៦និង៤៥នាទីព្រឹកនៅពេលគិលានុបដ្ឋាយិកា ចាក់ដៃរបស់គាត់ជាមួយវ៉ាក់សាំង mRNA ដែលផលិតដោយក្រុមហ៊ុន Pfizer និង BioNTech។
ឱកាសដ៏សំខាន់នេះបានបង្កភាពល្បីល្បាញទូទាំងពិភពលោកនិងផ្តល់នូវក្តីសង្ឃឹមដ៏ភ្លឺស្វាងជាលើកដំបូងថា ជំងឺកូវីដ១៩ដែលបានសម្លាប់មនុស្សជាង១.៦លាននាក់នៅទូទាំងពិភពលោកអាចឈានដល់ទីបញ្ចប់។
វាត្រូវបានគេស្គាល់ថាជាជ័យជម្នះដ៏អស្ចារ្យបំផុតមួយនៅក្នុងវិទ្យាសាស្ត្រហើយដូសដែលចាក់ឲ្យលោកយាយ Keenan ទំនងជាត្រូវបានបញ្ចូលទៅក្នុងសៀវភៅប្រវត្តិសាស្ត្រ។
ជាលទ្ធផល ទាំងដបដែលគ្មានថ្នាំនិងសឺរ៉ាំងរបស់លោកស្រី Keenan ត្រូវបានយកចេញពីកន្លែងទុកដាក់សំណល់ជីវឧស្ម័នដោយសារមន្ទីរវិទ្យាសាស្រ្ត។
ថ្ងៃស្អែក លោកយាយ Keenan នឹងអបអរសាទរខួបកំណើតគម្រប់៩១ឆ្នាំរបស់គាត់ហើយដបនិងសឺរ៉ាំងនឹងចូលរួមក្នុងការប្រមូលទុកដាក់របស់ក្រុមសារមន្ទីរវិទ្យាសាស្ត្រ។
វានឹងបង្កើតជាផ្នែកមួយនៃការប្រមូលពិសេសដែលត្រូវបានបង្កើតឡើងដើម្បីបង្ហាញពីកិច្ចខិតខំប្រឹងប្រែងរបស់អ្នកវិទ្យាសាស្ត្រដែលបានដើរតួដ៏សំខាន់នៅក្នុងការប្រយុទ្ធជាមួយជំងឺកូវីដ១៩។
របស់របរផ្សេងទៀតរួមមានបច្ចេកវិទ្យាវេជ្ជសាស្ត្រ, ប្រដាប់ត្បាររបស់ NHS និងបំពង់ខ្យល់អុកស៊ីសែន។
នៅដើមឆ្នាំ២០២១ ដបវ៉ាក់សាំងនឹងត្រូវដាក់បង្ហាញនៅក្នុងកម្មវិធីមួយដែលមានឈ្មោះថា “Medicine: The Wellcome Galleries” នៅសារមន្ទីរក្នុងតំបន់ South Kensington ភាគខាងត្បូងទីក្រុងឡុងដ៍៕
ប្រែសម្រួលដោយ៖ Vann Vann
ប្រភព៖ Daily Mail
ចុចអាន៖ យុទ្ធនាការចាក់វ៉ាក់សាំងការពារកូវីដនៅអាមេរិកចាប់ផ្តើមហើយ
ចុចអាន៖ ប្រទេសអាស៊ីមួយអនុញ្ញាតឲ្យប្រើប្រាស់វ៉ាក់សាំងចិន ទោះអ្នកធ្វើតេស្តមានបញ្ហាសរសៃប្រសាទ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៦ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ