ព័ត៌មានអន្ដរជាតិ

អ្នកនាំពាក្យសេតវិមាន ឆ្លងកូវីដ មុនដំណើរទស្សនកិច្ចលោក Joe Biden ទៅ អឺរ៉ុប

បានផុស

៣ years មុន

នៅ

ថ្ងៃពុធ ២៣ មីនា ២០២២

ដោយ

អ្នកនាំពាក្យសេតវិមានលោកស្រី Jen Psaki បានធ្វើតេស្តវិជ្ជមានកូវីដ កាលពីថ្ងៃអង្គារ មួយថ្ងៃមុនដំណើរទស្សនកិច្ចរបស់លោកប្រធានាធិបតី Joe Biden នៅអឺរ៉ុប ដោយសារសង្គ្រាមអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្ដីថ្លែងការណ៍មួយ លោកស្រី Psaki បាននិយាយថា “ថ្ងៃនេះ ក្នុងការរៀបចំសម្រាប់ការធ្វើដំណើរទៅកាន់ទ្វីបអឺរ៉ុប ខ្ញុំបានធ្វើតេស្ត PCR ។ ការធ្វើតេស្តនោះបានបញ្ជាក់ថា វិជ្ជមាន ដែលមានន័យថា ខ្ញុំនឹងគោរពតាមការណែនាំរបស់ CDC ហើយនឹងលែងធ្វើដំណើរទៅជាមួយប្រធានាធិបតីទៅកាន់អឺរ៉ុបទៀតហើយ” ។

លោកស្រីក៏បានបញ្ជាក់ដែរថា មានកិច្ចប្រជុំពីចម្ងាយចំនួនពីរកាលពីថ្ងៃចន្ទជាមួយលោក Biden ដែលនោះគឺមិនមានទំនាក់ទំនងជិតស្និទ្ធ ដូចដែលបានកំណត់ដោយការណែនាំរបស់មជ្ឈមណ្ឌលគ្រប់គ្រងការពារជំងឺ (CDC) នោះទេ។

យ៉ាងណាមិញ ប្រធានាធិបតីបានធ្វើតេស្តអវិជ្ជមាននៅថ្ងៃនេះ តាមរយៈការធ្វើតេស្តលើម៉ាស៊ីន PCR ។ ខណៈលោកស្រី Psaki ក៏បានរាយការណ៍ដែរថា មានរោគសញ្ញាស្រាលប៉ុណ្ណោះ។

លោកស្រីបានបន្ថែមថា “នៅក្នុងការអនុលោមតាមពិធីការរបស់សេតវិមាន ខ្ញុំនឹងធ្វើការពីផ្ទះ ហើយគ្រោងនឹងត្រឡប់ទៅធ្វើការវិញក្រោយការនៅដាច់ដោយឡែករយៈពេល៥ថ្ងៃ និងការធ្វើតេស្តអវិជ្ជមានផងដែរ” ៕

ប្រែសម្រួល៖ សាង ស្រីល័ក្ខ

ប្រភព៖AA

ចុចអាន៖បុរស អ៊ុយក្រែន ដែលរួចជីវិតពីសង្គ្រាមលោកលើកទី ២ នៅ អាល្លឺម៉ង់ ពេលនេះត្រូវស្លាប់ដោយការវាយប្រហាររបស់ រុស្ស៊ី

Related Topics:សេតវិមាន