ប៉ូលិស ថៃ ឆ្មក់ចូលខុនដូបើកល្បែងស៊ីសងតាមអនឡាញមួយកន្លែង ចាប់បានមនុស្ស ១៧ នាក់

នៅថ្ងៃទី២៤ ខែមីនា ប៉ូលិសថៃបានឆ្មក់ចូលអគារខុនដូមួយកន្លែងដែលបានបើកបន​ល្បែង​ស៊ីសង​តាម​ប្រព័ន្ធ​អន​ឡាញ​លំដាប់​លេខ​១ នៅខេត្តហាតយ៉ៃ ​ប្រទេស​ថៃ ។

ក្នុងការឆ្មក់ចូលនោះប៉ូលិសចាប់បាន​មនុស្សចំនួន ​១៧​ នាក់ និងអ្នកទទួលបើក​បញ្ជីគណនី ​៣ ​នាក់​ផ្សេង​ទៀត ហើយជនសង្ស័យទាំងអស់ក៏​​ត្រូវបានសមត្ថកិច្ចកសាងសំណុំរឿងបញ្ជួនទៅតុលាការចាត់ការតាមនិតិវិធីច្បាប់ផងដែរ ​។

មនុស្សចំនួន ១៧ នាក់ដែលប៉ូលិសចាប់បាននោះរួមមាន ប្រុស ៩ នាក់ ស្រី ៨ នាក់ ខណៈវត្ថុតាងមានដូចជា៖ កុំព្យូទ័រជាច្រើនគ្រឿង និងឧបករណ៍ជាច្រើនប្រភេទទៀត រួមទាំងអ្នកចាំទទួលបើកបញ្ជីគណនីសម្រាប់សម្រួលដល់ការលេងល្បែងតាមអនឡាញចំនួន ៣ នាក់ផ្សេងទៀតផងដែរ ៕

ប្រែសម្រួលដោយ ៖ គង់ សំអាន

ប្រភព ៖ Bangkokbiznews

ចុចអាន ៖ តារាសម្ដែងថៃ ៨ រូប កើតចេញពីគ្រួសារមហាសេដ្ឋី