ព័ត៌មានអន្ដរជាតិ

អ្នកកាសែតផ្តល់ឲ្យលោក គីម ជុងអ៊ុន ដូចរឿង«Top Gun» ក្នុងវីដេអូបាញ់មីស៊ីល(វីដេអូ)

បានផុស

៣ years មុន

នៅ

ថ្ងៃសៅរ៍ ២៦ មីនា ២០២២

ដោយ

ទូរទស្សន៍រដ្ឋរបស់កូរ៉េខាងជើងបានចាកផ្សាយវីដេអូដ៏ពិសេសមួយបង្ហាញមីស៊ីលជាមួយនឹងមេដឹកនាំរបស់ខ្លួនក្នុងការកាត់ត និងរូបភាពយឹតៗ។ អ្នកអត្ថាធិប្បាយអនឡាញអន្តរជាតិបានប្រៀបធៀបវីដេអូនេះទៅនឹងខ្សែភាពយន្តរឿង«Top Gun» ឬក៏បទចម្រៀងរបស់កូរ៉េខាងត្បូងដ៏ល្បីល្បាញ «Gangnam Style»។

ពាក់អាវស្បែកភ្លឺចាំង និងខោខ្មៅដើរពីមុខរថដឹកមីស៊ីល មេដឹកនាំកូរ៉េខាងជើង លោក គីម ជុងអ៊ុន បានបង្ហាញខ្លួនក្នុងវីដេអូស្ទីលបែបហូលីវូដសម្រាប់ការបាញ់មីស៊ីលចុងក្រោយបំផុតរបស់ទីក្រុងព្យុងយ៉ាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថិតក្រោមការដឹកនាំរបស់លោក គីម ប្រទេសកូរ៉េខាងជើងបានស្វែងរកការផ្តល់ឲ្យនូវប្រព័ន្ធផ្សព្វផ្សាយរបស់ខ្លួននូវការផ្លាស់ប្តូរជាមួយនឹងឥទ្ធិពលឌីជីថល ស្វែងរកមធ្យោបាយកាន់តែទំនើបដើម្បីផ្សាយពីរឿងរ៉ាវរបស់ខ្លួន។

កាលពីថ្ងៃព្រហស្បតិ៍ ទី២៤ ខែមីនា កូរ៉េខាងជើងបានបាញ់មីស៊ីលប្លាស្ទិកអន្តរទ្វីបដ៏ធំនៅក្នុងការសាកល្បងមួយដែលលោក គីម បាននិយាយថា ត្រូវបានរៀបចំឡើងដើម្បីបង្ហាញពីកម្លាំងនុយក្លេអ៊ែររបស់ខ្លួន និងរារាំងរាល់ចលនាយោធារបស់អាមេរិក។

លោក គីម ដែលពាក់អាចអាវធំស្បែកសត្វ និងពាក់វែនតាខ្មៅដែលមើលទៅមិនមែនជាឯកសណ្ឋានយោធាផ្លូវការត្រូវបានបង្ហាញកំពុងដើរក្នុងវីដេអូរូបភាពយឹតៗ ខណៈពេលទ្វារឃ្លាំងបើកយឹតៗដើម្បីបង្ហាញពីមីស៊ីលដ៏មហាសាល។

សំឡេងផ្ទុះដ៏ខ្លាំងមួយរំពេក ខណៈលោក គីម និងមន្ត្រីបានក្រឡេកមើលនាឡិកាមុនពេលមេដឹកនាំកូរ៉េខាងជើងដោះវ៉ែនតាចេញដើម្បីងក់ក្បាលយ៉ាងស្ងាត់ស្ងៀមដើម្បីរំកិលមីស៊ីលទៅកាន់ទីតាំងបាញ់។

ការរាប់ថយក្រោយចាប់ពី៩ចុះក្រោម។ បន្ទាប់មក ជំនួយការរបស់លោក គីម ម្នាក់បានស្រែកថា «បាញ់»ក្នុងរូបភាពវីដេអូយឹតៗមុនពេលការបាញ់ជាបន្តបន្ទាប់ ហើយទាហានផ្សេងទៀតគ្រវីទង់ជាតិ៕