ព័ត៌មានអន្ដរជាតិ

NASA ទម្លាយមូលហេតុបោះទុនកប់ក្ដោង បង្កើតគ្រាប់រ៉ុកកែត ខ្លាំងបំផុតក្នុងលោក (មានវីដេអូ)

បានផុស

៣ years មុន

នៅ

ថ្ងៃសៅរ៍ ២៦ មីនា ២០២២

ដោយ

រ៉ុកកែត SLS (Space Launch System) គឺជារ៉ុកកែតដែលវែងបំផុតមិនធ្លាប់មាន ដោយមានកម្ពស់ដូចជាអគារ៣២ជាន់ ឬខ្ពស់ជាងវិមានដ៏មហិមាដូចជា “រូបសំណាកសេរីភាព” និងគ្រាប់រ៉ុកកែតដែលត្រូវប្រើរួមគ្នាជាមួយយានអវកាស ORION ដែលនឹងឡើងបេសកកម្ម ក្រោមគម្រោង “Artemis” ខាងមុខនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

NASA បាននិយាយថា គម្រោង SLS-ORION ចាយថវិកាអភិវឌ្ឍន៍ប៉ាន់ស្មានចំនួន ៣៧ ពាន់លានដុល្លារ គឺជាឆ្អឹងខ្នងនៃគម្រោង Artemis របស់ NASA ជាមួយនឹងគោលដៅបញ្ជូនអវកាសយានិកត្រឡប់ទៅឋានព្រះចន្ទម្តងទៀត និងការធ្វើអាណានិគមរយៈពេលវែងនៅលើព្រះចន្ទ ឬជាមូលដ្ឋានសម្រាប់គម្រោងអាណានិគមលើភពព្រះអង្គារបន្ថែម។

ការធ្វើតេស្តដំបូង នឹងមិនមាននាវិក។ ប៉ុន្តែបើជោគជ័យ បេសកកម្មពីរដែលនៅសល់ នឹងនាំមនុស្សត្រឡប់ទៅឋានព្រះចន្ទជាលើកដំបូងបន្ទាប់ពីជាង ៥០ ឆ្នាំ។ ទន្ទឹមនោះ វានឹងបង្កើតទំព័រថ្មីនៃប្រវត្តិសាស្ត្រមនុស្សជាតិ។ ព្រោះអ្នកដែលនឹងធ្វើដំណើរទៅឋានព្រះចន្ទម្ដងទៀត នឹងក្លាយជាស្ត្រីដំបូងគេ ហើយអាចជាស្ត្រីស្បែកខ្មៅដំបូងគេក្នុងពិភពលោក នៅក្រោមគោលបំណងចម្បងរបស់ NASA គឺចង់ផ្តល់សញ្ញានៃ “លំហជារបស់មនុស្សទាំងអស់ ដោយមិនរើសអើងពណ៌ស្បែក”៕

សូមទស្សនាវីដេអូខាងក្រោមនេះ៖

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖អង្គការ NASA គ្រោងបង្កើតរ៉េអាក់ទ័រនុយក្លេអ៊ែរនៅភពព្រះចន្ទ