រុស្ស៊ី ទម្លាយតួលេខថ្មីអំពី ទាហានស្លាប់ និងរបួស ខុសពីការអះអាងរបស់ អ៊ុយក្រែន ឆ្ងាយណាស់

នេះជាលើកទី២ហើយ ក្រសួងការពារជាតិរុស្ស៊ី បានផ្តល់ព័ត៌មានថ្មីអំពីការស្លាប់ និងរបួសរបស់យោធាខ្លួន ដោយអះអាងថា ទាហានរបស់ខ្លួនចំនួន ១ ៣៥១ នាក់ត្រូវបានសម្លាប់ និង ៣ ៨២៥ នាក់រងរបួស។

ទោះបីជាយ៉ាងណាក៏ដោយ ប្រភព​យោធា​អ៊ុយក្រែន​ធ្លាប់​អះអាង​ថា ទាហាន​រុស្ស៊ីរហូត​ដល់​ទៅ ១៥ ០០០ នាក់ឯណោះ​ត្រូវ​បាន​សម្លាប់ ថ្វីបើ​តួលេខ​នេះ ​អាច​រាប់​បញ្ចូល​ទាំង​អ្នក​របួស និង​​ស្លាប់​ក៏​ដោយ។

ការធ្វើបច្ចុប្បន្នភាពលើកដំបូងពីក្រសួងការពារជាតិរុស្សីស្តីពីការស្លាប់ និងរបួស គឺនៅថ្ងៃទី២ខែមីនា ហើយបានបញ្ជាក់នាពេលនោះថា ទាហាន៤៩៨នាក់បានស្លាប់ ក្នុងអំឡុងការលុកលុយ។

ប៉ុន្តែអ្វីដែលគួរឲ្យចាប់អារម្មណ៍នោះគឺ កាលពីថ្ងៃទី២១ខែមីនា ដែលកាសែត Komsomolskaya Pravda (KP) គាំទ្រវិមានក្រឹមឡាំងបានចេញផ្សាយអត្ថបទមួយ ដោយដកស្រង់ប្រភពពីក្រសួងការពារជាតិដែលបង្ហាញថា ទាហានរុស្ស៊ីចំនួន ៩ ៨៦១នាក់ត្រូវបានសម្លាប់នៅក្នុងជម្លោះនេះ។

ក្រោយ​មក ​អត្ថបទ​នោះ​បានដកចេញវិញ ហើយ​និពន្ធនាយក​របស់ KP បាន​ប្រាប់ BBC ថា​ព័ត៌មាន​នេះ​គឺ​ជា​លទ្ធផល​នៃ​ការ​ Hack៕

ប្រែសម្រួល៖ Vann Vann

ប្រភព៖ BBC

ចុចអាន៖ សមាជិកណាតូមួយ ច្រានចោលសំណើសុំអាវុធរបស់អ៊ុយក្រែន ព្រោះមិនចង់ពាក់ព័ន្ធសង្គ្រាម