Zelenskyy ស្តីបន្ទោសលោកខាងលិច ដែលមិនផ្តល់យន្តហោះចម្បាំងឲ្យ អ៊ុយក្រែន

ប្រធានាធិបតីអ៊ុយក្រែន បានស្តីបន្ទោសសហរដ្ឋអាមេរិក និងប្រទេសលោកខាងលិច ចំពោះការស្ទាក់ស្ទើរក្នុងការផ្តល់យន្តហោះចម្បាំងដល់ប្រទេសរបស់គាត់ ដោយនិយាយថា នៅតែគ្មានភាពច្បាស់លាស់ក្នុងកិច្ចពិភាក្សាអំពីថាតើអ្នកណា ដែលគួរផ្តល់យន្តហោះចម្បាំង និងអាវុធការពារផ្សេងទៀត។

លោក Zelenskyy និយាយថា អ៊ុយក្រែនមិនអាចការពារខ្លួនប្រឆាំងនឹងមីស៊ីលដោយគ្មានអាវុធត្រឹមត្រូវ និងមិនអាចរំដោះទីក្រុង Mariupol ដែលឡោមព័ទ្ធដោយគ្មានរថក្រោះ និងយន្តហោះចម្បាំងបានទេ។

លោកបន្តថា អ៊ុយក្រែនត្រូវការត្រឹមតែ១%ប៉ុណ្ណោះនៃយន្តហោះរបស់អង្គការណាតូ និង ១%នៃរថក្រោះរបស់ខ្លួន ហើយនឹងមិនស្នើសុំអ្វីបន្ថែមទៀតនោះទេ។

“យើងបានរង់ចាំ ៣១ ថ្ងៃហើយ។ តើអ្នកណាជាអ្នកទទួលបន្ទុកសហគមន៍អឺរ៉ុប-អាត្លង់ទិក? តើវានៅតែជាក្រុងមូស្គូ ព្រោះមានការបំភិតបំភ័យមែនទេ?”៕

ប្រែសម្រួល៖ សន្យា

ប្រភព៖ Al Jaeera

ចុចអាន៖ WHO និយាយថា ការវាយប្រហារលើមន្ទីរពេទ្យអ៊ុយក្រែន កើនឡើងជារៀងរាល់ថ្ងៃ

ចុចអាន៖ រុស្ស៊ី ទម្លាយតួលេខថ្មីអំពី ទាហានស្លាប់ និងរបួស ខុសពីការអះអាងរបស់ អ៊ុយក្រែន ឆ្ងាយណាស់