ព័ត៌មានអន្ដរជាតិ
ក្រុមហ៊ុនឱសថអាល្លឺម៉ង់មួយទៀតចាប់ផ្តើមសាកល្បងវ៉ាក់សាំងកូវីដ ទ្រង់ទ្រាយធំ
ក្រុមហ៊ុនជីវឱសថអាល្លឺម៉ង់ CureVac បាននិយាយកាលពីថ្ងៃចន្ទថា ខ្លួនបានចុះឈ្មោះអ្នកចូលរួមលើកដំបូងក្នុងការសិក្សាព្យាបាលដំណាក់កាលទី ២ និងទី ៣ នៃបេក្ខជនវ៉ាក់សាំងកូវីដ ១៩ ដើម្បីវាយតម្លៃសុវត្ថិភាព និងប្រសិទ្ធភាពរបស់វាចំពោះមនុស្សពេញវ័យ ។
ក្រុមហ៊ុនដែលមានមូលដ្ឋាននៅទីក្រុង Tingingen បានប្រកាសថា ការសាកល្បងនេះអាចមានអ្នកចូលរួមច្រើនជាង ៣៥,០០០ នាក់នៅអឺរ៉ុប និងអាមេរិកឡាទីន ។ វាបានបន្ថែមទៀតថា អ្នកចូលរួមដំបូងត្រូវបានចុះឈ្មោះក្នុងការសិក្សាសាកល្បងសំខាន់ៗនៃបេក្ខជនវ៉ាក់សាំង CvnCoV ។
លោក Franz-Werner Haas នាយកប្រតិបត្តិនៃក្រុមហ៊ុន CureVac បាននិយាយថា “ជាមួយនឹងការចាប់ផ្តើមនៃការសិក្សាព្យាបាលដំណាក់កាលទី ២ និងទី ៣ យើងបានឈានដល់ដំណាក់កាលសំខាន់មួយទៀតក្នុងការអភិវឌ្ឍបេក្ខជនវ៉ាក់សាំងរបស់យើង ។ មើលទៅវាមានជោគជ័យ យើងសង្ឃឹមថា ការសាកល្បងនេះនឹងបន្តបង្ហាញពីប្រសិទ្ធភាពវ៉ាក់សាំងរបស់យើងដើម្បីការពារប្រឆាំងជំងឺកូវីដ ១៩ និងជួយកម្ចាត់ជំងឺរាតត្បាតនេះ” ។
អ្នកដែលមានអាយុចាប់ពី ១៨ ឆ្នាំឡើងទៅនឹងត្រូវចុះឈ្មោះនៅតាមគេហទំព័រជាច្រើន ហើយពួកគេនឹងទទួលបានការចាក់វ៉ាក់សាំងនេះចំនួន ២ ដូស ។
ក្រុមហ៊ុន CureVac គ្រោងនឹងបង្ហាញពីប្រសិទ្ធភាពរបស់វ៉ាក់សាំង CVnCoV ក្នុងការការពារមនុស្សពីករណីឆ្លងជំងឺកូវីដ ១៩ ក៏ដូចជាបង្ការករណីឆ្លងពីកម្រិតមធ្យមទៅធ្ងន់ធ្ងរចំពោះអ្នកចូលរួមដែលមិនធ្លាប់ឆ្លងជំងឺកូវីដ ខណៈអ្នកចូលរួមនឹងត្រូវបន្តតាមដានក្នុងការសិក្សាមួយឆ្នាំបន្ថែមទៀត បន្ទាប់ពីការសាកល្បងនេះ ។
ក្រុមហ៊ុនបានចាប់ផ្តើមបង្កើតវ៉ាក់សាំងនៅខែមករា ឆ្នាំ ២០២០ មកម្ល៉េះ ខណៈការសាកល្បងព្យាបាលដំណាក់កាលទី ១ និងទី ២ បានចាប់ផ្តើមកាលពីខែមិថុនា និងកញ្ញា ។ ក្រុមហ៊ុនបាននិយាយថាទិន្នន័យបណ្តោះអាសន្នដំណាក់កាលទី ១ ក្នុងខែវិច្ឆិកាបានបង្ហាញថា វ៉ាក់សាំង CVnCoV មានភាពប្រសើរ និងមិនមានប្រតិកម្មនៅគ្រប់ការធ្វើតេស្តទាំងអស់ និងបង្កើតការឆ្លើយតបអង្គបដិប្រាណខ្លាំង ។
ទន្ទឹមនោះកាលពីពាក់កណ្តាលខែវិច្ឆិកា គណៈកម្មការអឺរ៉ុបបានប្រកាសពីកិច្ចព្រមព្រៀងផ្គត់ផ្គង់ជាមួយក្រុមហ៊ុន CureVac នៃវ៉ាក់សាំងចំនួន ៤០៥ លានដូសសម្រាប់រដ្ឋសមាជិកសហភាពអឺរ៉ុប ៕
ប្រែសម្រួលដោយ ៖ ជីវ័ន្ត
ប្រភព ៖ RT
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង