នូវែលសេឡង់ ជួយប្រមូលព័ត៌មានសម្ងាត់របស់ រុស្ស៊ី ឲ្យ អ៊ុយក្រែន

បើតាមការប្រកាសរបស់នាយករដ្ឋមន្ត្រីលោកស្រី Jacinda Ardern នៅថ្ងៃចន្ទនេះបានឲ្យដឹងថា ប្រទេសនូវែលសេឡង់នឹងជួយសម្ព័ន្ធមិត្តអឺរ៉ុបរបស់ខ្លួនក្នុងការប្រមូលព័ត៌មានសម្ងាត់ស្ដីពីប្រតិបត្តិការយោធារុស្ស៊ីក្នុងប្រទេសអ៊ុយក្រែន ។

លោកស្រី Ardern បានប្រាប់ប្រព័ន្ធផ្សព្វផ្សាយ បន្ទាប់ពីកិច្ចប្រជុំគណៈរដ្ឋមន្ត្រីថា កងកម្លាំងការពារប្រទេសនូវែលសេឡង់នឹងប្រើប្រាស់សមត្ថភាពរបស់ខ្លួនក្នុងរយៈពេល ៣ ខែខាងមុខ ដើម្បីគាំទ្រចក្រភពអង់គ្លេស និងដៃគូអឺរ៉ុបផ្សេងទៀតទាញយកអត្ថប្រយោជន៍ពីភាពយឺតយ៉ាវណាមួយដើម្បីបំពេញការងារសំខាន់ៗនៅពេលយប់ និងពេលថ្ងៃ” ។

លោកស្រីបាននិយាយថា រដ្ឋមន្ត្រីរបស់ប្រទេសកោះមួយនេះបានសម្រេចចិត្តដាក់ពង្រាយមន្រ្តីចំនួន ៩ នាក់ភ្លាមៗទៅកាន់ចក្រភពអង់គ្លេស និងបែលហ្ស៊ិក “ដើម្បីបំពេញតម្រូវការកើនឡើងសម្រាប់ការវាយតម្លៃការស៊ើបការណ៍សម្ងាត់” ចំពេលមានជម្លោះដែលកំពុងបន្តនៅក្នុងប្រទេសអ៊ុយក្រែន ។

នាយករដ្ឋមន្ត្រីបានបន្ថែមថា អ្នកជំនាញចំនួន ៥ នាក់ក្នុងចំណោមអ្នកជំនាញទាំងនេះនឹងត្រួតពិនិត្យរូបភាពផ្កាយរណប ខណៈដែលអ្នកផ្សេងទៀតនឹងត្រូវផ្តល់ភារកិច្ចឲ្យប្រសើរឡើងនូវការយល់ដឹងរបស់ទីក្រុង Wellington អំពីសកម្មភាពសម្ព័ន្ធមិត្តរបស់ខ្លួន និងអង្គការណាតូទាក់ទងនឹងវិបត្តិនេះ ។

នូវែលហ្សេឡង់ពីមុនបានបរិច្ចាគ ៥ លានដុល្លារដល់មូលនិធិ Trust Fund របស់ណាតូដែលផ្តល់ប្រេងឥន្ធនៈ អាហារយោធា ឧបករណ៍ទំនាក់ទំនង និងឧបករណ៍ជំនួយដំបូងដល់ទីក្រុងកៀវ ក៏ដូចជា ៦ លានដុល្លារបន្ថែមទៀតសម្រាប់ជំនួយដល់ជនស៊ីវិលអ៊ុយក្រែនដែលរងផលប៉ះពាល់ដោយជម្លោះ ។

ជាចុងក្រោយលោកស្រី Ardern បញ្ជាក់ថា ទីក្រុង Wellington ក៏បានចូលរួមក្នុងការដាក់ទណ្ឌកម្មអន្តរជាតិប្រឆាំងនឹងទីក្រុងមូស្គូផងដែរ ដោយបានកំណត់គោលដៅលើបុគ្គល និងអង្គភាពរុស្ស៊ីជាង ៤៦០ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ អ្នកកាសែតអង់គ្លេសម្នាក់រៀបរាប់ពីឧបសគ្គលំបាកខ្លាំងទម្រាំទៅដល់បន្ទប់សម្ងាត់របស់លោក Zelensky