លោក Abramovich និងអ្នកចរចាសន្តិភាពអ៊ុយក្រែន ២នាក់ សង្ស័យត្រូវថ្នាំបំពុល (មានវីដេអូ)

អតីតម្ចាស់ក្លិបតោខៀវ Chelsea លោក Roman Abramovich និងអ្នកចរចាសន្តិភាពអ៊ុយក្រែនពីរនាក់ ត្រូវបានគេនិយាយថា ចេញរោគសញ្ញានៃការពុល បន្ទាប់ពីកិច្ចចរចាសន្តិភាពកាលពីរសៀលថ្ងៃទី៣ខែមីនា នៅព្រំដែនអ៊ុយក្រែន-បេឡារុស។

យោងតាមគេហទំព័រស៊ើបអង្កេត Bellingcat បានឲ្យដឹងថា នៅល្ងាចនោះ ពួកគេបីនាក់ បានទទួលរងនូវរោគសញ្ញានៃការពុលសារធាតុគីមី។

ពួកគេចេញរោគសញ្ញារលាកស្បែក រលាកភ្នែក និងការឈឺចាប់ខ្លាំងនៅខាងក្រោយភ្នែក ហើយរោគសញ្ញានេះ កើតពេញមួយយប់។

យោងទៅតាមគេហទំព័រដដែល, គ្មាននរណាម្នាក់ក្នុងចំណោមពួកគេ បានញ៉ាំអ្វីលើសពីសូកូឡា និងទឹកនោះទេ។

ស្របពេលជាមួយគ្នានោះ មន្ត្រី​ជំនាញ​អាវុធ​គីមី​បាន​ពិនិត្យ​ករណី​នេះ ​ហើយ​សន្និដ្ឋាន​ថា ពួក​គេ​ជឿ​ថា ការបំពុលនេះគឺ​មាន​ចេតនា។

ទោះបីជាយ៉ាងណាក៏ដោយ នៅពេលនេះ លោក Abramovich មិនកើតអីទេ ខណៈឧបទ្ទវហេតុបានកើតឡើងជាច្រើនសប្តាហ៍មុនមកម្ល៉េះ ហើយគាត់នឹងបន្តការចរចាជាមួយអ្នកដែលមកពីអ៊ុយក្រែន ក្នុងការប៉ុនប៉ងបញ្ចប់សង្រ្គាម។

អ្នកស្និទ្ធស្នាលនឹងលោក Abramovich និយាយថា គាត់បានចូលរួមក្នុងកិច្ចប្រជុំជាច្រើន បន្ទាប់ពីគាត់ត្រូវបានគេស្នើសុំឲ្យជួយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ លោក Zelensky និយាយថា រុស្ស៊ី កំពុងភ័យ ដោយសារតែបទសម្ភាសន៍របស់គាត់