​អ៊ុយក្រែន​ ទម្លាយ​ឈ្មោះ​ចារកម្ម​រុស្សី​ជាង ៦០០​នាក់ ដែលកំពុងធ្វើការនៅទូទាំងទ្វីបអឺរ៉ុប (មានវីដេអូ)

ក្រសួងការពារជាតិអ៊ុយក្រែន បានបញ្ចេញបញ្ជីឈ្មោះចារកម្មរុស្ស៊ីជាង ៦០០ នាក់ ដែលកំពុងធ្វើការនៅអឺរ៉ុប ក្នុងការប៉ុនប៉ងជាក់ស្តែងដើម្បីរំខានពួកគេ និងធ្វើឲ្យប្រតិបត្តិការស៊ើបការណ៍សម្ងាត់របស់រុស្ស៊ី ចុះខ្សោយនៅទូទាំងទ្វីបនេះ។

នាយកដ្ឋានចារកម្មនៃក្រសួងការពារជាតិអ៊ុយក្រែន បានបញ្ចេញបញ្ជីឈ្មោះបុគ្គលិក FSB នៃសហព័ន្ធរុស្ស៊ីដែលចុះបញ្ជីនៅអាសយដ្ឋាន: ទីក្រុងមូស្គូ, ផ្លូវ Bolshaya Lubyanka កាលពីថ្ងៃចន្ទទី២៨ខែមីនា។ FSB គឺជាទីភ្នាក់ងារ ស្នងតំណែងពីភ្នាក់ងារចារកម្ម KGB ដ៏ល្បីល្បាញរបស់រុស្ស៊ី។

បញ្ជីដែលបានចេញផ្សាយជាភាសារុស្សី នៅលើគេហទំព័ររបស់ក្រសួង បានបង្ហាញឈ្មោះ លេខទូរសព្ទ លេខលិខិតឆ្លងដែន អាសយដ្ឋាន ផ្លាកលេខយានយន្ត និងព័ត៌មានលម្អិតផ្នែកហិរញ្ញវត្ថុសម្រាប់ចារបុរសរុស្ស៊ីចំនួន ៦២០ នាក់។

ទោះបីជាយ៉ាងណាក៏ដោយ សារព័ត៌មាន Fox News មិន​បាន​ផ្ទៀងផ្ទាត់​បញ្ជី​នេះ​ទេ។

ស្របពេលជាមួយគ្នានោះ​ សារព័ត៌មាន The Telegraph បានរាយការណ៍ថា អតីតប្រធានទីភ្នាក់ងារស៊ើបការណ៍សម្ងាត់អង់គ្លេស MI6 បានព្រមានថា មានប្រតិបត្តិការរបស់រុស្ស៊ីត្រឹមតែ ១០ ភាគរយប៉ុណ្ណោះនៅទូទាំងទ្វីបអឺរ៉ុប ដែលត្រូវបានគេរកឃើញ៕

សូមទស្សនាវីដេអូ៖

ចុច Link នេះ ដើម្បីមើលឈ្មោះចារកម្មរុស្ស៊ីទាំង៦២០នាក់ ដែលអ៊ុយក្រែន ទម្លាយ!

ប្រែសម្រួល៖ Vann Vann

ប្រភព៖ FOX,​ ក្រសួងការពារជាតិអ៊ុយក្រែន

ចុចអាន៖ Biden មិនខ្ចីសុំទោស ហើយប្រាប់មូលហេតុពិត ដែល លោកថាឲ្យ Putin ថ្ងៃមុន