ព័ត៌មានអន្ដរជាតិ
អារ៉ាប៊ីសាអូឌីតប្រកាសបទឈប់បាញ់គ្នានៅយេម៉ែន
អារ៉ាប៊ីសាអូឌីតបានប្រកាសពីការឈប់ប្រតិបត្តិការយោធាទាំងអស់នៅប្រទេសយេម៉ែនដែលមានគោលដៅឈានដល់ដំណោះស្រាយអចិន្ត្រៃយ៍ចំពោះជម្លោះជាមួយប្រទេសជិតខាង។ នេះបើយោងតាមអ្នកនាំពាក្យសម្រាប់ក្រុមសម្ព័ន្ធដឹកនាំដោយ Riyadh បានប្រកាសនៅយប់ថ្ងៃអង្គារ៍។
ក្រុមឧទ្ទាម Houthi របស់យេម៉ែនបានផ្តល់បទឈប់បាញ់គ្នារយៈពេល៣ថ្ងៃមុនដែលពួកគេបាននិយាយថា អាចជាអចិន្ត្រៃយ៍ ប្រសិនបើអារ៉ាប៊ីសាអូឌីតយល់ព្រម។
អ្នកនាំពាក្យក្រុមសម្ព័ន្ធ ឧត្តមសេនីយ៍ Turki Al-Maliki បានប្រកាសទាំងយប់ថា ៖«បញ្ជាការកងកម្លាំងចម្រុះនៃក្រុមសម្ព័ន្ធប្រកាសពីការឈប់ប្រតិបត្តិការយោធានៅប្រទេសយេម៉ែនចាប់ពីនាទីឈានចូលថ្ងៃពុធ ទី៣០ ខែមីនា ឆ្នាំ២០២២»។
លោក Al-Maliki មានប្រសាសន៍ថា នេះត្រូវបានធ្វើឡើងតាមការស្នើរបស់លោកបណ្ឌិត Nayef Al-Hajraf អគ្គលេខាធិការនៃក្រុមប្រឹក្សាសហប្រតិបត្តិការឈូងសមុទ្រ (GCC)។ «ជាមួយទិដ្ឋភាពនៃការបង្កើតលក្ខណអំណោយផលដែលត្រូវការសម្រាប់ការពិគ្រោះយោបល់ដ៏ជោគជ័យ និងបរិយាកាសអំណោយផលសម្រាប់ខែបរិសុទ្ធនៃបុណ្យរ៉ាម៉ាដានដើម្បីបង្កើតសន្តិភាព និងទទួលបានជោគជ័យសន្តិសុខ និងស្ថិរភាពនៅយេម៉ែន»។
លោកឧត្តមសេនីយ៍បានបន្ថែមថា ៖«ក្រុមសម្ព័ន្ធនឹងគោរពតាមការបញ្ឈប់នេះ ហើយនឹងអនុវត្តតាមលក្ខន្តិកៈ និងនីតិវិធីដើម្បីធានាបាននូវភាពជោគជ័យ»។
សេចក្តីប្រកាសរបស់លោក Al-Maliki បានកើតមានឡើង៣ថ្ងៃ បន្ទាប់ពីក្រុមឧទ្ទាម Houthi ដែលកំពុងគ្រប់គ្រងរដ្ឋធានីយេម៉ែនបានផ្តល់បទឈប់បាញ់គ្នារយៈពេល៣ថ្ងៃដែលពួកគេបាននិយាយថា អាចជាអចិន្ត្រៃយ៍ ប្រសិនបើសម្ព័ន្ធអារ៉ាប៊ីសាអូឌីតមានឆន្ទៈ។
ប្រធានក្រុមប្រឹក្សានយោបាយកំពូលរបស់ឧទ្ទាម Houthis លោក Mahdi al-Mashat Mashat បាននិយាយកាលពីថ្ងៃសៅរ៍ក្នុងសុន្ទរកថាផ្សាយតាមទូរទស្សន៍យេម៉ែនថា ៖«នេះជាការអញ្ជើញដោយស្មោះស្ម័គ្រ និងជាជំហានជាក់ស្តែងដើម្បីស្តារទំនុកចិត្តឡើងវិញ និងនាំយកគ្រប់ភាគីទាំងអស់ពីសង្វៀនពិភាក្សាទៅសង្វៀនអនុវត្ត»។
លោកថា ក្រុមឧទ្ទាម Houthis នឹងបញ្ឈប់ការវាយប្រហារដោយមីស៊ីល និងលើអាកាស ហើយសង្ឃឹមថា អារ៉ាប៊ីសាអូឌីត នឹងបញ្ឈប់សកម្មភាពវាយប្រហាររបស់ពួកគេនៅកំពង់ផែយេម៉ែន។
សំណើរបស់លោកបានកើតឡើង បន្ទាប់ Houthi បានវាយប្រហារបំផ្លាញឃ្លាំងស្តុកប្រេង Saudi Aramco នៅ Jeddah កាលពីថ្ងៃទី២៥ ខែមីនា និងការទម្លាក់គ្រាប់បែករបស់ក្រុមចម្រុះលើរដ្ឋធានី Sanaa និងកំពង់ផែ Hodeidah របស់យេម៉ែន។
អង្គការសហប្រជាជាតិបានប៉ាន់ស្មានថា ជនជាតិយេម៉ែនជាង៤០ម៉ឺននាក់បានស្លាប់ក្នុងសង្គ្រាម ក្នុងនោះមានកុមារជាច្រើនដែលមានអាយុក្រោម៥ឆ្នាំដោយសារភាពអត់ឃ្លាន និងជំងឺ៕
ប្រែសម្រួល៖ វីរបុត្រ
ប្រភព៖ RT
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
ក្រោយជាប់គុក២៥ឆ្នាំ ទើបតុលាការរកឃើញថា ភស្តុតាងមិនស៊ីគ្នា
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
-
ព័ត៌មានជាតិ៥ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍២១ ម៉ោង agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៥ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ