អាមេរិកនិយាយថា រុស្ស៊ីកំពុងផ្លាស់ប្តូរទីតាំងកងទ័ព មិនមែនដកចេញពីជុំវិញទីក្រុង កៀវ ទេ

មន្ទីរបញ្ចកោណបាននិយាយថា ប្រទេសរុស្ស៊ី បានចាប់ផ្តើមផ្លាស់ប្តូរកងទ័ពមួយចំនួនតូច ចេញពីទីតាំងជុំវិញទីក្រុង កៀវ ដោយបន្ថែមថា វាជាការផ្លាស់ប្តូរទីតាំង ច្រើនជាងការដកថយ ឬការដកខ្លួនចេញពីសង្រ្គាម។

អ្នកនាំពាក្យមន្ទីរបញ្ចកោណ លោក John Kirby បាននិយាយក្នុងអំឡុងសន្និសីទសារព័ត៌មានមួយថា “តើមានការបន្លាស់ទីដោយអង្គភាពរុស្ស៊ីមួយចំនួន ចេញពីទីក្រុង កៀវ នៅថ្ងៃចុងក្រោយដែរឬទេ? មែនហើយ យើងគិតដូច្នេះ។ ក្នុងចំនួនតិចតួច”។

“ប៉ុន្តែយើងជឿថា នេះគឺជាការបន្លាស់ទីតាំង មិនមែនជាការដកថយពិតប្រាកដនោះទេ ហើយ យើងទាំងអស់គ្នាគួរតែត្រៀមខ្លួន ដើម្បីឃ្លាំមើលការវាយលុកដ៏ធំ ប្រឆាំងនឹងតំបន់ផ្សេងទៀតនៃប្រទេសអ៊ុយក្រែន។ វា​មិន​មែនមាន​ន័យ​ថា ​ការ​គំរាម​កំហែង​ដល់​ទីក្រុង​កៀវ ​បាន​ចប់នោះ​ទេ”៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ លោក Putin ប្រាប់អ្នកការពារទីក្រុង Mariupol ឲ្យឈប់តស៊ូ និងទម្លាក់អាវុធចុះ