ព័ត៌មានអន្ដរជាតិ

ចិននិងរុស្ស៊ីប្តេជ្ញាបង្កើនចំណងមិត្តភាពកម្រិតខ្ពស់ថែមទៀត

បានផុស

៣ years មុន

នៅ

ថ្ងៃព្រហស្បតិ៍ ៣១ មីនា ២០២២

ដោយ

រដ្ឋាភិបាលក្រុងមូស្គូ និងរដ្ឋាភិបាលក្រុងប៉េកាំងបានប្តេជ្ញាបន្ថែមទៀតដើម្បីអភិវឌ្ឍចំណងទ្វេភាគី និងជំរុញកិច្ចសហប្រតិបត្តិឲ្យកាន់តែខ្លាំងឡើង។ នេះជាការឲ្យដឹងពីលោក Wang Yi រដ្ឋមន្ត្រីក្រសួងការបរទេសចិនបាននិយាយនៅថ្ងៃពុធ ទី៣០ ខែមីនា បន្ទាប់ពីបានជួបប្រជុំជាមួយសមភាគីរុស្ស៊ី លោក Sergei Lavrov នៅភាគខាងកើតប្រទេសចិន។

ក្រសួងការបរទេសរុស្ស៊ីបាននិយាយក្នុងសេចក្តីថ្លែងការណ៍មួយថា ភាគីទាំងពីរក៏បានថ្កោលទោសចំពោះអ្វីដែលពួកគាត់បានហៅថា ទណ្ឌកម្មរបស់ប្រទេសលោកខាងលិចខុសច្បាប់ដាក់លើទីក្រុងមូស្គូជុំវិញសកម្មភាពរបស់ខ្លួននៅប្រទេសអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Wang និងលោក Lavrov បានជួបគ្នានៅខេត្ត Anhui ភាគខាងកើតប្រទេសចិនដែលជាកន្លែងចិនធ្វើម្ចាស់ផ្ទះរៀបចំកិច្ចប្រជុំពហុភាគីស្តីពីប្រទេសអាហ្វហ្គានីស្ថានរយៈពេល២ថ្ងៃ។

«ភាគីទាំងពីរបានប្តេជ្ញាចិត្តបន្ថែមទៀតដើម្បីអភិវឌ្ឍចំណងទ្វេភាគី និងកាន់តែមានការជឿជាក់ក្នុងការជំរុញកិច្ចសហប្រតិបត្តិការក្នុងវិស័យផ្សេងៗ»។ លោក Wang មានប្រសាសន៍។

លោកបន្តថា ៖«ចិនកំពុងមានឆន្ទៈធ្វើការជាមួយរុស្ស៊ីដើម្បីនាំយកចំណងការទូតចិន-រុស្ស៊ីឈានដល់កម្រិតកាន់តែខ្ពស់នៅក្នុងយុគសម័យថ្មីស្ថិតក្រោមការណែនាំនៃឯកភាពគ្នាដោយប្រមុខរដ្ឋទាំងពីរ»។

កិច្ចប្រជុំបានកើតមានឡើងមិនដល់មួយខែ បន្ទាប់ពីរុស្ស៊ីបានវាយប្រហារនៅអ៊ុយក្រែនក្នុងអ្វីដែលហៅថាជា«ប្រតិបត្តិការពិសេស»ដែលបានជំរុញឲ្យប្រទេសលោកខាងលិចដាក់ទណ្ឌកម្មសេដ្ឋកិច្ចធ្ងន់ធ្ងរមិនធ្លាប់មាន។

រុស្ស៊ីកំពុងសម្លឹងរកការគាំទ្រពីចិន និងភាពជាដៃគូ ខណៈប្រទេសនេះកាន់តែឯកោពីប្រព័ន្ធហិរញ្ញវត្ថុសកល និងសង្វាក់ផ្គត់ផ្គង់។

លោក Lavrov បាននិយាយកាលពីថ្ងៃចន្ទថា ទំនាក់ទំនង់របស់រុស្ស៊ីជាមួយចិនគឺស្ថិតនៅក្នុងកម្រិតខ្លាំងបំផុតមិនធ្លាប់មាន៕

ប្រែសម្រួល៖ វីរបុត្រ
ប្រភព៖ Reuters

Related Topics:ប្រទេសរុស្ស៊ី