រុស្ស៊ី​និង​អ៊ុយក្រែន​ កំណត់ថ្ងៃ​ចាប់ផ្តើម​កិច្ចចរចា​ជាថ្មី

កិច្ចចរចាសន្តិភាពរវាងទីក្រុង កៀវ និងទីក្រុង មូស្គូ នឹងបន្តឡើងវិញតាមអនឡាញ ចាប់ពីថ្ងៃសុក្រទី០១ខែមេសាទៅ។ បើយោងតាមអ្នកចរចាអ៊ុយក្រែន។

លោក David Arakhamia និយាយថា អ៊ុយក្រែនបានស្នើឲ្យលោក Volodymyr Zelenskyy និងលោក Vladimir Putin ជួបប្រជុំគ្នា ប៉ុន្តែរុស្ស៊ីបានឆ្លើយតបដោយនិយាយថា ការងារបន្ថែមទៀតចាំបាច់ត្រូវធ្វើឡើង លើសេចក្តីព្រាងសន្ធិសញ្ញា។

ដូចដែលសេចក្តីរាយការណ៍, លោក Zelenskyy បាននិយាយកាលពីល្ងាចថ្ងៃពុធថា ការចរចាមិនទាន់បានផ្តល់នូវកិច្ចព្រមព្រៀងជាក់ស្តែងណាមួយនៅឡើយទេ។

ទោះបីជាយ៉ាងណាក៏ដោយ អ្នកចរចាសន្តិភាពអ៊ុយក្រែនមុននេះបាននិយាយថា លោកមានសុទិដ្ឋិនិយម បន្ទាប់ពីកិច្ចចរចាសន្តិភាពកាលពីម្សិលមិញជាមួយរុស្ស៊ីនៅទីក្រុង អ៊ីស្តង់ប៊ុល។

ស្របពេលជាមួយគ្នានោះដែរ អ៊ុយក្រែន​បាន​លើកឡើង​ផែនការ​មួយ ​ដែល​នឹង​ស្នើមិនឲ្យ​មាន​មូលដ្ឋាន​យោធា​បរទេស​នៅ​លើ​ទឹកដី​របស់​ខ្លួន ព្រម​ទាំង​ការ​បញ្ចប់​មហិច្ឆតា​សម្ព័ន្ធមិត្ត​យោធា​របស់​ខ្លួនផងដែរ៕

ប្រែសម្រួល៖ Vann Vann

ប្រភព៖ Sky

ចុចអាន៖ រុស្ស៊ី ប្រកាសបទឈប់បាញ់ក្នុងទីក្រុង Mariupol ដើម្បីជម្លៀសជនស៊ីវិល